كەمەنى دۇرىس جۇرگىزە الماعان اسكەري ازامات 4 جىلعا سوتتالدى

استانا. قازاقپارات - اقتاۋ گارنيزونىنىڭ اسكەري سوتى اعا لەيتەنانت ج. -عا قاتىستى قىلمىستىق ءىستى قاراپ، سوڭى ادام ولىمىنە اكەپ سوقتىرعان كەمە جۇرگىزۋ ەرەجەسىن بۇزعانى ءۇشىن (ق ر قىلمىستىق كودەكسىنىڭ 465-بابى) 4 جىلعا شارتى تۇردە باس بوستاندىعىنان ايىردى، دەپ حابارلايدى «قازاقپارات»  ح ا ا ءتىلشىسى ق ر اسكەري سوتىنىڭ باسپا ءسوز قىزمەتىنە سىلتەمە جاساپ.

حابارلامادا ايتىلعانداي، سوت ايىپتالۋشى ج. -نىڭ 2016 -جىلدىڭ 29 -ساۋىرىندە ساعات 03:19 شاماسىندا قازاقستان رەسپۋبليكاسىنىڭ اۋماعىنداعى تەڭىزىنىڭ جاعالاۋىنان 6-7 ميل قاشىقتىقتا جاۋىنگەرلىك كەزەكشىلىكتە بولىپ، ىشىندە اقتاۋ قالاسىنىڭ تۇرعىندارى بار «امۋر» ۇلگىسىندەگى قايىقتى كورەدى.

«امۋر» ۇلگىسىندەگى قايىقتى تاپقان اعا لەيتەنانت ج. ، كەمەنى باعىتتاي الماي جانە قاشىقتىقتى دۇرىس باعامداماۋدىڭ سالدارىنان «امۋر» موتورلى قايىعىنا سوعىسقان. سونىڭ سالدارىنان قايىق سۋعا باتىپ، ۆ. ەسىمدى ازامات سۋعا اعىپ كەتكەن»، - دەپ اتاپ ءوتتى باسپا ءسوز قىزمەتى. ق ر قىلمىستىق كودەكسىنىڭ 63-بابىنىڭ نەگىزىندە ونىڭ جازاسى شارتتى تۇردە وتەلەتىن بولادى. سوتتىڭ ۇكىمى زاڭدى كۇشىنە ەنبەدى.