08:31, 20 - قاڭتار 2017 | GMT +6
يتاليادا قارعا كومىلگەن قوناق ۇيدەن 4 ادامنىڭ ءمايىتى شىعارىلدى
استانا. قازاقپارات - يتاليادا قارعا كومىلگەن Rigopiano قوناق ءۇيىنىڭ عيماراتىنان 4 ادامنىڭ ءمايىتى سىرتقا شىعارىلدى، دەپ حابارلايدى حابار 24 تەلەارناسى.
ەڭ سوڭعى اقپاراتقا سايكەس، تابيعي اپات كەزىندە مەيمانحانادا 34 ادام بولعان. ەندى وسىعان بايلانىستى 30 ادام حابارسىز كەتكەن سانالىپ وتىر.
ەستەرىڭىزگە سالا كەتسەك، يتالياداعى فاريندولا قالاسىنىڭ تاۋ ەتەگىندە ورنالاسقان قوناق ءۇيدى قار كوشكىنى باسىپ قالعان بولاتىن. جالپى مەيمانحانا تۇرعان ايماقتىڭ اق ۇلپاعا كومىلگەنى سونشالىق، قۇتقارۋ تەحنيكاسى قالىڭ قاردان اپات ورنىنا دەر كەزىندە جەتە الماي، قۇتقارۋشىلار وقيعا ورنىنا جاياۋ بارۋعا ءماجبۇر بولدى.
