قايىرىمدىلىققا «استانا مارافون» 4 ميلليون تەڭگەدەن استام قاراجات جينادى
اۋقىمدى جارىستارعا 4352 ادام قاتىستى، ونىڭ 28 ءى الەم ەلدەرىنەن (ا ق ش، فرانسيا، يتاليا، جاپونيا، اۆستراليا، گەرمانيا، يران ت. ب.) كەلگەن سپورتشىلار، دەپ حابارلادى شارا ۇيىمداستىرۋشىلارى.
ناتيجەسىندە، 10 شاقىرىمدىق قاشىقتىقتا ايەلدەر اراسىندا «قولا» جۇلدەنى جاقسىگۇل مۇسىرمان، «كۇمىستى» - الۋا شايمەردەنوۆا (استانا)، «التىن» جۇلدەنى ءمولدىر مەكەنبايەۆا (ا ق ش) يەلەندى.
21,1 شاقىرىم قاشىقتىقتا ايەلدەر اراسىندا ءبىرىنشى ورىندى ەكاتەرينا شاتنايا، ەرلەر اراسىندا اعزام ءارىپجانوۆ ەنشىلەدى.
ال 42,2 شاقىرىمدا «التىن» جۇلدەنى ايەلدەر اراسىندا اقمارال مەيىرمان (3:01:05)، ەرلەر اراسىندا ايدىن قاسەن (2:38:09) جەڭىپ الدى.
بارلىق جۇلدەگەرلەر مەن جەڭىمپازدارعا ەستەلىك سىيلىقتار مەن سىياقىلار بەرىلدى. مارافوننىڭ جالپى جۇلدە قورى 2 ميلليون تەڭگەنى قۇرادى.
ەستافەتالىق جۇگىرۋدە ءبىرىنشى ورىندى Adidas كومپانياسىنىڭ كومانداسى يەلەندى.
جينالعان بارلىق قاراجات «قاسيەتتى جول»، «SOS: بالالار قالاشىعى»، «ايالا»، «انالار ءۇيى»، «BI جۇلدىزاي» جانە «One Steppe Beyond» جوباسى قايىرىمدىلىق قورلارىنا اۋدارىلادى. بارلىعى 4328492 تەڭگە جينالدى.
«ايالا» - 1357400 تەڭگە
«SOS: بالالار قالاشىعى» - 5200 تەڭگە
«قاسيەتتى جول» - 428720 تەڭگە
«One Steppe Beyond» - 2537172 تەڭگە
«انالار ءۇيى» - سوما انىقتالۋدا
«BI جۇلدىزاي» - سوما انىقتالۋدا
بارلىعى: 4328492 تەڭگە
