قاراعاندى كومىر باسسەينىندە 4 جاڭا شاحتا ىسكە قوسىلماق
سەيسەنبىدە استانادا وتكەن حالىقارالىق تاۋ- كەن سالاسىنا ارنالعان فورۋم قاتىسۋشىلارى اتالعان جوبالاردى جۇزەگە اسىرۋدىڭ تيىمدىلىگىن تالقىلادى.
وسى رەتتە ەلىمىزدىڭ ەڭبەك سىڭىرگەن كەنشىسى نيكولاي دريجد كومىر ءوندىرىسىن وركەندەتۋگە باعىتتالعان تىڭ ىزدەنىستەرىن جاريالادى. ونىڭ ايتۋىنشا، سارىارقانىڭ قويناۋىندا اتالعان ءونىمنىڭ ءالى 8 ميلليارد تونناسى بار. بۇل كورسەتكىش بۇگىنگە دەيىن وندىرىلگەن كومىر مولشەرىنەن 8 ەسە كوپ.
- جاڭا شاحتالاردىڭ ىسكە قوسىلۋىمەن مەتاننىڭ دا مول قورىن يگەرۋگە بولادى، - دەيدى عالىم.
ونىڭ ۇستىنە قاراعاندى كومىرى قازىر ەۋروپاعا ەكسپورتتالادى.
- ءبىزدىڭ باسسەيندە بىرنەشە شاحتانىڭ قۇرىلىسىنا قاجەتتى جوبالار ازىرلەنۋ ۇستىندە. بۇگىندە ءبىر جوبا تولىق دايىن. ءبىراق ءوندىرىس قۋاتتىلىعىن ارتتىرۋمەن بىرگە كەنشىلەر قاۋىپسىزدىگى باستى نازاردا بولۋى ءتيىس. ياعني شاحتالاردىڭ گازدالۋ كورسەتكىشى ازايتىلسا دەگەن وي بار. جالپى وندا جەردىڭ ءار قاباتىنداعى گازدىڭ مولشەرى 30 تەكشە مەترگە جەتەدى. ونى ازايتۋ ارقىلى ەنەرگەتيكاعا قاجەتتى تازا مەتان الۋعا بولادى، - دەدى ق ر ەڭبەك سىڭىرگەن كەنشىسى نيكولاي دريجد.
فوتو: 1prime.ru
