الماتىلىق كاسىپكەر 4 ايەلىمەن بىرگە تۇرۋ ءۇشىن ءزاۋلىم ءۇي سالىپ جاتىر

استانا. قازاقپارات - الماتىلىق 52 جاستاعى كاسىپكەر 4 ايەلىمەن ءبىر شاڭىراقتا تۇرۋ ءۇشىن ءزاۋلىم ءۇي سوعىپ جاتىر.
None
None

مۇرتازا (اتى- ءجونى وزگەرتىلگەن - رەد.) بۇل ءىسىن ماقتانىشتان ەمەس، 12 بالاسىنىڭ جات باۋىر بولماي بىرگە ءوسۋى ءۇشىن جاساپ جاتقانىن ايتۋدا.

اگرارلىق كاسىپپەن اينالىساتىن شارۋانىڭ قازىر زاڭدى نەكەدە 4 ايەلى جانە ولاردان تۋعان 5 قىزى مەن 7 ۇلى بار. بايبىشەسىنىڭ جاسى 46 دا بولسا، كەنجە توقالى ەندى 30 دان استى. بارلىق ايەلى قازىر بالالارىمەن بىرگە جەكە- جەكە پاتەردە تۇرادى.

ءبىر قىزىعى، ولار ءبىرىن بايبىشە، ءبىرىن توقال دەپ ءبولىپ جارماي، ءبىر ءۇيدىڭ ادامىنداي تاتۋ- ءتاتتى ءومىر ءسۇرىپ جاتىر. ياعني، بالالارى قالاعان ۇيلەرىنە بارىپ تۇرادى. وتاعاسى بولسا بار ۋاقىتىن قاپشاعاي قالاسىنداعى شارۋا قوجالىعىندا وتكىزەدى. تەك سەنبى، جەكسەنبى كۇندەرى بالالارىنىڭ باسىن قوسىپ، كەزەكپەن ءار ايەلىنىڭ ۇيىندە تۇنەيدى ەكەن.

وسىعان وراي بارلىق بالا- شاعاسىن ءبىر ۇيگە تۇرعىزۋ ءۇشىن 3 قاباتتى، 20 بولمەلى ءزاۋلىم ءۇي سالىپ جاتىر. مۇرتازا كوپ جار الۋ سەبەبىن ايەلقۇمارلىقتان ەمەس، بالاجاندىلىعى مەن قازاقتىڭ سانىن كوبەيتۋ ءۇشىن جاسايمىن دەيدى. كەنجە كەلىنشەگىمەن وسىدان 6 جىل بۇرىن ءدامحانادا تانىسقان. قازىر 1 ۇلدىڭ اناسى ەكىنشىسىنە اياعى اۋىر.

كاسىپكەر تەك كوپبالالى اكە عانا ەمەس، ناعىز شارۋا ادامى. 3 قىزى مەن 2 ۇلى مەكتەپتى «التىن بەلگىگە» ءبىتىرىپ، بارلىعى بەلدى وقۋ ورىندارىندا ستۋدەنت. بالاجان اكە ۇرپاقتارىن كوپ ەركەلەتپەيدى. ال ايەلدەرىن تەڭ ۇستايدى (بارلىعى ۇيدە وتىرىپ، بالالارىنىڭ تاربيەسىمەن اينالىسادى). ياعني، كيىم- كەشەگى مەن اشەكەيلەرىن بارىنە تەڭ الىپ بەرەدى.

الماتى وبلىسىنىڭ تۋماسى تۋىستاردىڭ توي- تومالاعىنا بارلىق جارىن ەرتىپ اپارىپ، ءبىر داستارحاننىڭ باسىنا وتىرعىزادى ەكەن. كوپ ايەل الىپ ونى جۇرتتان جاسىراتىنداردىڭ ءىسىن، «ايەلقۇمارلىق جانە جەلوكپە» دەپ سانايتىن مۇرتازا وتباسىنىڭ بەرەكەسى مەن تاتۋ- تاتتىلىگى ەر ازاماتقا تىكەلەي بايلانىستى ەكەنىن ايتادى.

ول ءار ايەلىمەن نەكەلەسەر الدىندا قۇداي جولىمەن وزگە جارلارىنىڭ رۇقساتىن العان. سونداي- اق، بايبىشەسىمەن وزگە دە توقالدارىنا ءبىر- بىرىمەن تاتۋ بولۋ كەرەكتىگىن ەشقاشان ەسكەرتكەن ەمەسپىن دەيدى. سەبەبى وتاعاسىنىڭ مىنەز- قۇلقىن بىلەتىن ايەلدەرى ونى اشۋلاندىرماۋعا جانە ۇرىس-كەرىسپەن ۋاقىتىن الماۋعا تىرىسادى ەكەن.

«اكەم ەكى ايەلدەن 9 ۇرپاق سۇيگەن. سوندىقتان دا ۇلدارىما الدەن-اق جاقسى وقىپ، جاعدايلارىڭدى جاساپ، قوس ايەلدەن الىپ، كوپ ۇرپاق ءسۇي دەپ كەڭەس بەرەمىن»، - دەيدى ول.

دەرەككوز: www.nur.kz

سوڭعى جاڭالىقتار