قازاقستاننىڭ 4 وبلىسىندا اپتاپ ىستىق بولادى

استانا. قازاقپارات - 30- ماۋسىم كۇنى قازاقستاننىڭ باسىم بولىگىندە كۇن اشىق بولادى، الايدا ەلىمىزدىڭ باتىس، سولتۇستىك، شىعىسىندا جاۋىن جاۋىپ كۇن كۇركىرەۋى مۇمكىن. شىعىس قازاقستاندا كۇندىز بۇرشاق جاۋۋى ىقتيمال. سولتۇستىك پەن وڭتۇستىك، باتىس قازاقستاندا تاڭەرتەڭگى ۋاقىتتا كەي جەرلەردە تۇمان تۇسەدى، دەپ حابارلايدى «قازگيدرومەد» ر م ك.

ناقتىراق ايتقاندا ش ق و- دا كۇندىز بۇرشاق جاۋىپ، جەل تۇرادى، 15-20 م/س جىلدامدىقپەن جەل سوعادى.

باتىس قازاقستان، قوستاناي وبلىستارىندا دا جەل ەكپىنى 15-20 م/س جەتەدى.

ماڭعىستاۋ، سولتۇستىك قازاقستان وبلىستارىندا تاڭەرتەڭ تۇمان تۇسەدى.

الماتى، جامبىل، و ق و، باتىس قازاقستان، اقتوبە، پاۆلودار، شىعىس قازاقستان، قاراعاندى، سولتۇستىك قازاقستان وبلىستارىندا ىستىق اۋا رايى ساقتالادى.  قىزىلوردا، اتىراۋ، ماڭعىستاۋ، قوستاناي وبلىستارىندا اپتاپ ىستىق بولادى.

اتىراۋ، قىزىلوردا، اقتوبە، و ق و باسىم بولىگىندە، ب ق و، قاراعاندى، جامبىل، ش ق و، الماتى وبلىستارىندا ءورت قاۋپى بار.