كولونيادان قاشقان 47 جاستاعى ەر ادام اقمولا وبلىسىندا ۇستالدى

بۇل تۋرالى ق ر ءى ءى م قىلمىستىق اتقارۋ جۇيەسى (ق ا ج) كوميتەتىنىڭ باسپا ءسوز قىزمەتىنەن حابارلادى.
«47-جاستاعى ەر ادام الاياقتىق قىلمىس جاساعانى ءۇشىن سوتتالىپ، جازاسىن جامبىل وبلىسىنىڭ قۇمجوتا كەنتىندەگى ج د -158 تۇزەتۋ مەكەمەسىندە (قونىس كولونياسىندا) وتەپ جاتقان بولاتىن. ول ەركىندىككە شىعۋى قۇقىن پايدالانا وتىرىپ، وتكەن 2014 -جىلدىڭ ناۋرىز ايىندا جۇمىس ورنىن تاستاپ، بوي تاسالاعان. سوتتى بولعان ونىڭ جازاسىن وتەۋدەن باس تارتقانى ءۇشىن سول ۋاقىتتان بەرى ىزدەۋ جاريالاندى»، دەيدى جامبىل وبلىسىنىڭ قاج دەپارتامەنتىنىڭ باسشىسى مىندەتىن اتقارۋشى باحتيار تولەپوۆ.
«جامبىل وبلىسىنىڭ ءى ءى د بايزاق اۋداندىق ءى ءى ب كريمينالدى پوليتسيا جانە ق ا ج قىزمەتكەرلەرىنىڭ ماقساتتى جۇمىستارىنىڭ ارقاسىندا «قاشقىن» اقمولا وبلىسىنىڭ ەڭبەكشىلدەر اۋدانىندا ۇستالدى»، - دەدى ب. تولەپوۆ.