بۇگىن جەكەلەگەن وڭىردە 45 گرادۋسقا دەيىن ىستىق بولادى
استانا. قازاقپارات - قازگيدرومەت ەل ايماقتارىندا 25-شىلدەدە بولاتىن قاۋىپتى مەتەورولوگيالىق قۇبىلىستارعا بولجام جاسادى، دەپ حابارلايدى قازاقپارات.
اتموسفەرالىق فرونتالدى بولىمدەردىڭ وتۋىمەن ەلىمىزدىڭ باسىم بولىگىندە اۋا رايىنىڭ تۇراقسىز سيپاتى ساقتالادى. نايزاعاي ويناپ، جاڭبىر جاۋادى، ەلدىڭ باتىسىندا قاتتى جاڭبىر كۇتىلەدى. تەك ەلدىڭ وڭتۇستىگىندە، سولتۇستىگىندە، ورتالىعىندا اۋا رايى نەگىزىنەن جاۋىن- شاشىنسىز بولادى. رەسپۋبليكا بويىنشا جەل كۇشەيىپ، سولتۇستىكتە تۇندە جانە تاڭەرتەڭ تۇمان تۇسەدى.
«كۇندىز جامبىل، قىزىلوردا، تۇركىستان، الماتى، جەتىسۋ، اباي، ۇلىتاۋ وبلىستارىندا، ماڭعىستاۋ، قاراعاندى، اقتوبە، شىعىس قازاقستان وبلىستارىنىڭ وڭتۇستىگىندە 35-43 گرادۋس قاتتى ىستىق بولادى.
كۇندىز الماتى وبلىسىنىڭ سولتۇستىگىندە، ورتالىعىندا 42 گرادۋس وتە قاتتى ىستىق ساقتالادى، تۇركىستان وبلىسىنىڭ باتىسىندا، ءشولدى اۋداندارىندا 45 گرادۋس، ۇلىتاۋ وبلىسىنىڭ وڭتۇستىگىندە 40 گرادۋس وتە قاتتى ىستىق كۇتىلەدى.
الماتى، تۇركىستان، جامبىل، شىعىس قازاقستان، قاراعاندى، ماڭعىستاۋ، ۇلىتاۋ، جەتىسۋ، اباي وبلىستارىندا، قىزىلوردا وبلىسىنىڭ ورتالىعىندا، شىعىسىندا، پاۆلودار وبلىسىنىڭ وڭتۇستىگىندە، اقتوبە وبلىسىنىڭ ورتالىعىندا، اتىراۋ وبلىسىنىڭ باتىسىندا، سولتۇستىگىندە، اقمولا وبلىستارىندا وڭتۇستىگىندە، باتىسىندا توتەنشە ءورت ءقاۋپى ساقتالادى»، - دەپ جازدى سينوپتيكتەر.
سونىمەن قاتار سولتۇستىك قازاقستان، اقمولا وبلىستارىندا، اتىراۋ وبلىسىنىڭ باسىم بولىگىندە، قوستاناي وبلىسىنىڭ وڭتۇستىگىندە، ماڭعىستاۋ وبلىسىنىڭ باتىسىندا، سولتۇستىك- شىعىسىندا جوعارى ءورت قاۋپى ساقتالادى.
