ا ق ش- تا ۋلى زات تاسىمالداعان پويىز اپاتىنان سوڭ 45 مىڭعا جۋىق جانۋار قىرىلىپ قالعان
وقيعا 3- اقپان كۇنى شىعىس پالەستينا قالاسىنا جاقىن جەردە بولعان، دەپ حابارلايدى قازاقپارات BBC- گە سىلتەمە جاساپ.
رەسمي تۇلعالاردىڭ حابارلاۋىنشا، جانۋارلاردىڭ ولەكسەلەرى اپات بولعان جەردەن 5 ميل (8 كيلومەتر) راديۋستا تابىلعان. قالادا اپات سالدارىن جويۋ جۇمىستارى ءالى دە جالعاسۋدا. فەدەرالدى تەرگەۋ باستالدى.
پويىز اپاتى سالدارىنان 38 ۆاگون رەلستەن شىعىپ كەتكەن، ونىڭ 11 ىندە قاۋىپتى جۇك بولعان. وگايو تابيعي رەسۋرستار دەپارتامەنتىن (ODNR) باسقاراتىن مەري مەرتس بەيسەنبىدە وتكەن باسپا ءسوز ءماسليحاتىندا ءولى تابىلعان 43700 جانۋاردىڭ بارلىعى سۋ تۇرلەرىنە جاتاتىنىن جانە قۇرلىقتاعى جانۋارلاردىڭ ولىمىنە ەشقانداي دالەل جوق ەكەنىن ايتتى. ول سونداي-اق جانۋارلاردىڭ ەشقايسىسى جويىلىپ كەتۋ قاۋپى تونگەن تۇرلەرگە جاتپايتىنىن جانە جانۋارلاردىڭ ءۇش اپتا بۇرىن پويىز اپاتىنان كەيىن قىرىلىپ قالعانىن جەتكىزدى.
ەسكە سالساق، ا ق ش- تا قاۋىپتى زاتتار تيەلگەن پويىز رەلستەن شىعىپ كەتىپ، ورتەنگەنى تۋرالى بۇعان دەيىن حابارلادىق.
