ا ق ش- تاعى سۇراپىل داۋىل: قازا تاپقاندار سانى 45 ادامعا جەتتى
بۇل تۋرالى قازاقپارات CNN تەلەكومپانياسىنا سىلتەمە جاساپ حابارلايدى.
ەڭ قاتتى زارداپ شەككەن نيۋ- يورك جانە نيۋ- دجەرسي شتاتتارىندا ونداعان ادام كوز جۇمدى. پەنسيلۆانيا شتاتىندا دا وپات بولعاندار بار. ال بۇعان دەيىن ا ق ش- تىڭ سولتۇستىك- شىعىسىندا 29 ادامنىڭ كوز جۇمعانى حابارلانعان ەدى. سارسەنبى كۇنى ءۇش شتاتتىڭ بيلىگى «يدا» داۋىلىنا بايلانىستى ءوز اۋماقتارىندا توتەنشە جاعداي رەجيمىن ەنگىزدى. بىرنەشە ساعاتتىڭ ىشىندە نيۋ- يوركتە 15-25 س م جاۋىن- شاشىن تۇسكەن.
جەرگىلىكتى تۇرعىنداردىڭ تەلەفوندارىنا سۋ باسۋ جانە تورنادو قاۋپى تۋرالى حابارلاما كەلگەن. برۋكلين مەن كۆينس اۋداندارىندا جەرگىلىكتى تۇرعىندار الەۋمەتتىك جەلىلەردە كوشەلەر، ۇيلەر، مەتروپوليتەن ستانسالارىن سۋ باسقانى تۋرالى جازدى. نوسەر جاۋىن سالدارىنان ءۇش قالالىق اۋەجاي جۇمىسى ۋاقىتشا توقتاتىلعان، قالادا ءوتىپ جاتقان ا ق ش- تىڭ تەننيستەن اشىق چەمپيوناتىنىڭ (US Open) بىرنەشە ماتچى توقتاتىلدى.