مەملەكەتتىك ورگاندار ساتىپ الۋ باعاسىن 45 ميلليون تەڭگەگە نەگىزسىز كوتەرگەن
بۇل «مەملەكەتتىك ساتىپ الۋدىڭ قوعامدىق مونيتورينگىسى» جوباسى بارىسىندا انىقتالدى، دەپ حابارلايدى قازاقپارات.
«مەملەكەتتىك ساتىپ الۋدىڭ قوعامدىق مونيتورينگىسى» جوباسىن ىسكە قوسقاننان باستاپ ءبىر اپتا ىشىندە مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىك قىزمەتكەرلەرى ۇكىمەتتىك ەمەس ۇيىمداردىڭ وكىلدەرىمەن بىرلەسىپ مەملەكەتتىك ورگانداردىڭ ساتىپ الۋ باعاسىن نەگىزسىز شامامەن 45 ميلليون تەڭگەگە كوتەرۋ فاكتىسىن انىقتادى.
وسى جىلدىڭ مامىرىندا بالقاش ورتالىق اۋداندىق اۋرۋحاناسىنا كەڭسە قاعازىن 29730000 تەڭگە سوماسىندا ساتىپ الۋ ءتارتىبى كەيىنگە قالدىرىلدى.
سوماسى قايتا قارالعان ساتىپ الۋ 2378000 تەڭگەنى قۇرادى. سونداي-اق كۇرشىم ورتالىق اۋرۋحاناسىنا بەنزين ساتىپ الۋ ءۇشىن 4480000 تەڭگە بەلگىلەگەن، قايتا قاراعاننان كەيىن ول 3625000 تەڭگەگە ءتۇستى. وسىلايشا، 28 ميلليون تەڭگەدەن اساتىن قاراجات ۇنەمدەلدى»، - دەلىنگەن مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ باسپا ءسوز قىزمەتى تاراتقان حابارلامادا.
بۇل جۇمىستار الداعى ۋاقىتتا تۇراقتى نەگىزدە جۇرگىزىلمەك.