20:55, 02 - اقپان 2016 | GMT +5
ارحەولوگتار قازبا جۇمىستارىن جۇرگىزۋ كەزىندە 4500 جىلدىق تاريحى بار كەمەنى تاپتى
استانا. قازاقپارات - چەحيا ارحەولوگتارى كاير ماڭىنداعى قازبا جۇمىستارىن جۇرگىزۋ كەزىندە كونە مىسىرلىق كەمەنى تاپقان.
«ول مىسىردىڭ قازىرگى استاناسىنان وڭتۇستىككە قاراي 20 شاقىرىم جەردە، مىسىرلىق دەرجاۆانىڭ كونە ورتالىعى مەمفيس قالاسىنىڭ ماڭىنداعى ءابۋسير پاتشالىق قورىمىنىڭ قاسىنداعى پيراميدالار القابىنداعى قازبا جۇمىستارى كەزىندە تابىلعان»، - دەپ حابارلادى تىلشىلەرگە چەحياداعى ەگيپتولوگيا ينستيتۋتىنىڭ ديرەكتورى ميروسلاۆ بارتا.
«ۇزىندىعى 18 مەتردەن استام كەمەنىڭ اعاش قۇرىلىستارى ءشول قۇمىنىڭ ارقاسىندا جاقسى ساقتالعان. كەمەنىڭ جاسى 4500 جىلدان كەم ەمەس. بۇل، شىنىمەن دە، سەنساتسيالىق جاڭالىق، ول كونە پاتشالىق كەزەڭىنە جاتقىزىلادى»، - دەپ اتاپ ءوتتى ول.
