45 گرادۋسقا دەيىن ىستىق: دەمالىس كۇندەرى اۋا رايى قانداي بولادى؟
استانا. قازاقپارات - قازگيدرومەت 11، 12، 13-شىلدەگە ارنالعان اۋا رايى بولجامىن جاريالادى.
اتموسفەرالىق فرونتتار وتۋىنە بايلانىستى قازاقستان اۋماعىنىڭ باسىم بولىگىندە اۋا رايى تۇراقسىز بولادى. قىسقا مەرزىمدى جاڭبىر جاۋىپ، نايزاعاي وينايدى، ەلدىڭ باتىس وڭىرلەرىندە بۇرشاق جاۋىپ، جەل كۇشەيەدى.
شىعىستا، وڭتۇستىكتە، وڭتۇستىك-باتىستا جانە ورتالىقتا جاۋىن-شاشىنسىز اۋا رايى بولجانىپ وتىر.
جاۋىن-شاشىنعا قاراماستان، كۇن ىستىق بولادى. كۇندىز رەسپۋبليكانىڭ باسىم بولىگىندە اۋا تەمپەراتۋراسى 33+40+ گرادۋس بولسا، وڭتۇستىك پەن وڭتۇستىك-باتىستا 38+45+ گرادۋسقا دەيىن كوتەرىلەدى.
