ناسا جەرگە ۇقساس 44 پلانەتانى انىقتادى
عارىش تەلەسكوبى بۇعان دەيىن 1000 نان اسا عالامشاردىڭ جوباسىن انىقتاپ، سۋرەتتەرىن جەرگە جولداعان ەدى. ونىڭ سوڭعى وپەراتسياسى ەڭ پايدالى ءارى ناتيجەلى سەانس دەپ تانىلدى.
پلانەتالاردىڭ تەپە- تەڭ تەمپەراتۋراسى (كەلۆين) . فوتو: ©ەlpais.cr
«كەپلەردىڭ» 95 مەگاپيكسەلدى فوتومەترىنە 44 جاڭا پلانەتا ىلىككەن. ونىڭ ىشىندە 16 پلەنەتا جەردىڭ قۇرىلىمىنا بارىنشا ۇقساس بولىپ شىقتى. الايدا بۇل ەكزوپلانەتالار جەرگە ۇقساعانىمەن، ونداعى كليمات مەركۋري مەن شولپانداعىداي ەكەن. شاماسى وندا سانالى تىرشىلىك كوزى جوق، ءبىراق باكتەريالار بولۋ ىقتيمالدىعى جوعارى. اناليز پلانەتالاردىڭ كولەمى مەن ونداعى تەمپەراتۋرانى انىقتاۋعا مۇمكىندىك بەرىپ وتىر.
42-CCD ماتريتسالى، جالپى سانى 95 مەگاپيكسەلدەن تۇراتىن «كەپلەر» فوتومەترى
جاڭالىقتىڭ تاڭعالارلىعى سول، ناسا بۇعان دەيىن ءبىر سەانستا تەك 10-12 ەكزوپلانەتانى عانا قابىلداپ وتىرعان. ال بۇل وپەراتسيا كەزىندە 2013 -جىلى ىستەن شىعىپ، بيىل قايتا جوندەلگەن «كەپلەر» 44 ەكزوپلانەتانى انىقتاپ، جەرگە جىبەرگەن.
ەسكە سالا كەتەيىك، 2013 -جىلى «كەپلەردىڭ» 4 نەگىزگى قوزعالتقىشىنىڭ ەكەۋىندە اقاۋ تابىلىپ، تەلەسكوپتىڭ بۇرىنعى قارقىنمەن جۇمىس ىستەي قويۋى ەكىتالاي نارسە ەدى، ءبىراق «كەپلەر» ءالى كۇنگە دەيىن عالىمدارعا جاڭا اقپاراتتار جىبەرىپ جاتىر. «كەپلەر» جوباسىنىڭ باسى- قاسىندا جۇرگەن دجون ليۆينگستون جاڭالىق جايلى مىناداي پىكىر ءبىلدىردى: «كەپلەردىڭ ۋاقىتشا ىستەن شىعۋى بىزگە وڭىنان بولدى. ەگەر ول بۇرىنعى رەجيممەن جۇمىس ىستەي بەرگەندە ءبىز وسىنشاما تاڭعاجايىپ پلانەتالاردىڭ بارىن بىلمەيتىن دە ەدىك. بۇل سەانس ارقىلى ءبىز عالامشارلار جۇيەسىنىڭ قالاي قۇرىلعانىنا كوز جەتكىزە تۇسەمىز»، - دەيدى ليۆينگستون.
Massaget.kz
