بيىل استانا مەكتەپتەرىن 4407 تۇلەك ءتامامدايدى - ە. سۋحانبەرديەۆا
بۇل تۋرالى استانا قالاسى ءبىلىم باسقارماسىنىڭ باسشىسى ەلميرا سۋحانبەرديەۆا حابارلادى.
«بيىل ەلوردا مەكتەپتەرىن 4407 تۇلەك ءتامامدايدى، ولاردىڭ 3554- ءى ءبىرىڭعاي ۇلتتىق تەستىلەۋ تاپسىرادى. 180 مەكتەپ ءبىتىرۋشى «التىن بەلگىگە» ۇمىتكەر. سىناق 2-6 - ماۋسىم ارالىعىندا ل. ن. گۋميليەۆ اتىنداعى ە ۇ ۋ- ىندە، س. سەيفۋللين اتىنداعى قازاتۋ جانە قاز م ا ۋ - ىندە وتەدى» ، - دەدى ەلميرا سۋحانبەرديەۆا.
اتاپ ءوتۋ كەرەك، تۇلەكتەردىڭ تەستىلەۋ الدىنداعى پسيحولوگيالىق قىسىمعا توتەپ بەرۋلەرى ءۇشىن ەلوردا مەكتەپتەرىندە پسيحولوگتاردىڭ قاتىسۋىمەن ارنايى ترەنينگتەر وتكىزىلدى.
ەسكە سالا كەتەيىك، وقۋ جىلىنىڭ باسىندا استانادا التى جاڭا مەكتەپ اشىلعان ەدى. جىل سوڭىنا دەيىن 5075 ورىندىق تاعى بەس مەكتەپ اشۋ جوسپارلانعان، سونىمەن قاتار قازىر 2440 ورىندىق 10 مەكتەپكە دەيىنگى تاربيە مەكەمەسىنىڭ قۇرىلىسى ءجۇرىپ جاتىر.
