قازاقستاندا كوروناۆيرۋسقا بايلانىستى جاتقىزىلعان 43 ادام اۋرۋحانادان شىقتى
«6 - قاڭتاردان كەيىن قىتايدان ورالعان قازاقستاندىقتاردىڭ %90 مەن بايلانىس ورناتىلدى. ولاردىڭ اراسىندا 89 ادام دەنە قىزۋىمەن جانە جرۆي بەلگىلەرىمەن اۋرۋحاناعا ءتۇستى. 43 ادام ەمدەلىپ شىقتى جانە 46 ادام ستاتسيوناردا قالدى» ، - دەدى جانداربەك بەكشين قازمەديا ورتالىعىندا وتكەن بريفينگتە.
باس دارىگەر بۇل باقىلاۋدىڭ بارلىق تۇرعىندارعا ەمەس، 6 - قاڭتاردان باستاپ قىتايدان كەلگەندەرگە عانا قاتىستى ەكەنىن ەسكە سالدى.
«بارلىق باقىلاۋداعى اۋرۋحانالاردان الىنعان سىنامالاردى قوسىمشا زەرتتەۋ ءۇشىن الماتىداعى ايتىمبايەۆ اتىنداعى اسا قاۋىپتى ينفەكسيالار ۇلتتىق عىلىمي ورتالىعىنا جىبەرىپ جاتىرمىز. بۇل ورتالىق جاڭا كوروناۆيرۋستى دياگنوستيكالايتىن پوليمەرازدى تىزبەكتى رەاكسيا ادىستەمەسىن مەڭگەرگەن. ەگەر شەتەلدەن كەلسەڭىز، دەنەڭىزدىڭ قىزۋىن باقىلاڭىز. كۇدىك تۋعان جاعدايدا بارلىق ەمحانانى ارالاپ، شارشاماڭىز. بىردەن 1406 نومىرىنە حابارلاسىڭىز» ، - دەدى جانداربەك بەكشين.
بۇعان دەيىن باس سانيتارلىق دارىگەر ۋحان قالاسىنان ەۆاكۋاتسيالانعان ازاماتتاردىڭ جاعدايى تۋرالى ايتىپ بەرگەن ەدى. بۇعان دەيىن قازاقستاندا كوروناۆيرۋس كۇدىگىمەن 80 ادام اۋرۋحاناعا جاتقىزىلعان ەدى.
سونداي- اق، 4 - اقپاننان باستاپ، قازاقستان مەن قىتاي اراسىنداعى اۋە قاتىناسى توقتايدى.
دۇنيەجۇزىندە بۇگىن تۇسكە دەيىن ۆيرۋس جۇقتىرعاندار سانى 17459 ادامعا جەتتى. ودان 362 ادام قايتىس بولدى جانە 483 ادام تولىق جازىلىپ شىقتى. ولىمگە اكەپ سوققان 96 پايىز وقيعا اۋرۋدىڭ وشاعى بولعان حۋبەي پروۆينسياسىندا تىركەلگەن.
