قىتايدا ءبىر تاۋلىكتە كوروناۆيرۋستان تاعى 43 ادام اجال قۇشتى

بەيجىڭ. قازاقپارات - قىتايدا وتكەن تاۋلىكتە 2019-nCov كوروناۆيرۋسىنىڭ جاڭا ۇلگىسىنەن 43 ادام قازا تاۋىپ، 1982 ادام جۇقتىرعان، دەپ حابارلايدى قازاقپارات ق ح ر دەنساۋلىق ساقتاۋ ءىسى جونىندەگى مەملەكەتتىك كوميتەت حابارلاماسىنا سىلتەمە جاساپ.

43 جاعدايدىڭ 42 ءسى كوروناۆيرۋستىڭ جاڭا ۇلگىسىنىڭ وشاعىنا اينالعان حۋبەي پروۆينتسياسىندا (ۋحاندا - 30 ادام قايتىس بولعان) تىركەلگەن. حۋبەي پروۆينتسياسىنان بولەك تاعى ءبىر ادام رەسەيمەن شەكارالاساتىن حەيلۋنتسزيان پروۆينتسياسىندا كوز جۇمعان.

سوڭعى دەرەك بويىنشا، قىتايدا 9692 ادام كوروناۆيرۋس جۇقتىرعان. قايتىس بولعاندار سانى 213 ادام. 171 ادام اۋرۋحانادان ەمدەلىپ شىقتى. قىتايدا 15 مىڭنان استام ادامنىڭ اۋرۋ بەلگىلەرى كوروناۆيرۋسقا ۇقسايدى، الايدا ولاردىڭ دياگنوزدارى راستالماعان. 100 مىڭنان استام ادام كارانتيندە.