قىتايدا جەدەل قۇرىلىس سالۋدىڭ جاڭا رەكوردى ورناتىلدى: كوپىر 43 ساعاتتىڭ ىشىندە - كەسكىن
بەيجىڭدە التى جولاقتى كولىك اعىنى مول Sanyuanqiao كوپىرى ەكى تاۋلىككە جەتپەيتىن ۋاقىت ىشىندە جاڭعىرتىلدى.
Shanghaiist.com سايتىنىڭ حابارلاۋىنشا، جوندەۋ جۇمىستارى 13 -قاراشادا جەرگىلىكتى ۋاقىتپەن 23:00 دا باستالعان بولاتىن، 43 ساعاتتان كەيىن تولىق قايتا جاسالىپ، سىرلانعان كوپىر اۆتوموبيلدەر قوزعالىسى ءۇشىن اشىلىپ ۇلگەرىلدى.
كوپىردىڭ بەتىن جابۋ ءۇشىن 1300 توننالىق قۇراستىرما قاجەت بولدى، ول دايىن كۇيىندە جەتكىزىلدى. مەردىگەر وكىلىنىڭ حابارلاۋىنشا، وعان جاڭا «ينتەگراتيۆتىك اۋىستىرۋ» تەحنولوگياسى پايدالانىلدى.
جەرگىلىكتى بيلىك ەكسپەريمەنتتى قۇپتادى، ويتكەنى ادەتتەگى ادىسپەن جاڭعىرتقان جاعدايدا بۇعان كەمىندە ەكى اي قاجەت بولار ەدى. الايدا بۇل بەيجىڭنىڭ سولتۇستىك- شىعىسىنداعى 3 ساقينا جولىن جالعاستىراتىن، اۋەجايعا جانە 101- كۇرەجولعا شىعاتىن جۇردەك ماگيسترالدى ۇزاق ۋاقىت جاۋىپ قويۋعا بولمايتىن ەدى.
ەسكە سالا كەتەيىك، بەيجىڭدە سونداي-اق بيىك ۇيلەردى دە شاپشاڭ سالۋ يگەرىلدى. ماسەلەن، بيىلعى جىلى 57 قاباتتى ءزاۋلىم ءۇي 2,5 اپتا ىشىندە سالىنعان، دەپ حابارلادى newsru.com.
