نايزاعاي، 42 گرادۋس ىستىق: جۇما كۇنى قازاقستاننىڭ بارلىق وڭىرىندە كۇن بۇزىلادى

7-9-شىلدە كۇندىز اتىراۋ وبلىسىنىڭ وڭتۇستىگىندە 42 گرادۋس وتە قاتتى ىستىق بولادى.

توتەنشە ءورت قاۋپى ساقتالادى.

كۇندىز سولتۇستىك قازاقستان وبلىسىنىڭ سولتۇستىگىندە، شىعىسىندا - نايزاعاي، بۇرشاق، داۋىل. سولتۇستىك- باتىستان جەل سوعادى، كۇندىز وبلىستىڭ سولتۇستىگىندە، شىعىسىندا 15-20 م/س، كەي ۋاقىتتا ەكپىنى - 25 م/س.

الماتى وبلىسىنىڭ تاۋلى اۋداندارىندا كەي ۋاقىتتا قاتتى جاڭبىر جاۋادى. وبلىستىڭ باتىسىندا، وڭتۇستىگىندە، تاۋلى اۋداندارىندا نايزاعاي كۇتىلەدى، كۇندىز تاۋلى اۋدانداردا - بۇرشاق. وڭتۇستىك- باتىستان سوعاتىن جەل سولتۇستىك- باتىس باعىتقا اۋىسادى نايزاعاي كەزىندە ەكپىنى - 15-20 م/س. وبلىستىڭ سولتۇستىگىندە، باتىسىندا جوعارى ءورت قاۋپى ساقتالادى.

الماتى قالاسىندا نايزاعاي جارقىلدايدى.

كۇندىز قاراعاندى وبلىسىنىڭ سولتۇستىگىندە، شىعىسىندا - نايزاعاي، بۇرشاق. سولتۇستىك، سولتۇستىك- شىعىستان جەل سوعادى، كۇندىز وبلىستىڭ سولتۇستىگىندە، شىعىسىندا ەكپىنى - 18 م/س. وبلىستىڭ وڭتۇستىگىندە توتەنشە ءورت قاۋپى ساقتالادى.

تۇركىستان وبلىسىنىڭ تاۋلى اۋداندارىندا نايزاعاي، داۋىل بولادى. وڭتۇستىك- شىعىستان سولتۇستىك- شىعىسقا اۋىساتىن جەل سوعادى، نايزاعاي كەزىندە ەكپىنى - 15-20 م/س. وبلىستىڭ باسىم بولىگىندە توتەنشە ءورت قاۋپى ساقتالادى.

شىمكەنتتە - نايزاعاي، داۋىل. جەلدىڭ باعىتى وڭتۇستىك- شىعىستان سولتۇستىك- شىعىسقا اۋىسادى، نايزاعاي كەزىندە ەكپىنى - 15-20 م/س. توتەنشە ءورت قاۋپى ساقتالادى.

ۇلىتاۋ وبلىسىنىڭ وڭتۇستىگىندە توتەنشە ءورت قاۋپى ساقتالادى.

تاڭەرتەڭ جانە كۇندىز قوستاناي وبلىسىنىڭ سولتۇستىگىندە، شىعىسىندا - نايزاعاي، بۇرشاق. سولتۇستىك- باتىستان جەل سوعادى، كۇندىز وبلىستىڭ سولتۇستىگىندە، شىعىسىندا ەكپىنى - 15-20 م/س. كۇندىز وبلىستىڭ وڭتۇستىگىندە 36 گرادۋس قاتتى ىستىق ساقتالادى.

اقمولا وبلىسىندا نايزاعاي وينايدى. كۇندىز وبلىستىڭ وڭتۇستىگىندە، شىعىسىندا، سولتۇستىگىندە بۇرشاق جاۋادى. سولتۇستىك- باتىستان جەل سوعادى، كۇندىز وبلىستىڭ وڭتۇستىگىندە، سولتۇستىگىندە، شىعىسىندا ەكپىنى - 15-20 م/س.

كۇندىز جەتىسۋ وبلىسىنىڭ تاۋلى اۋداندارىندا قاتتى جاڭبىر جاۋادى. وبلىستىڭ باسىم بولىگىندە نايزاعاي، بۇرشاق. سولتۇستىك- باتىستان جەل سوعادى، نايزاعاي كەزىندە ەكپىنى - 15-20 م/س.

كۇندىز ماڭعىستاۋ وبلىسىنىڭ باسىم بولىگىندە 38-42 گرادۋس قاتتى ىستىق بولادى، وبلىستىڭ باسىم بولىگىندە توتەنشە ءورت قاۋپى ساقتالادى.

كۇندىز پاۆلودار وبلىسىنىڭ وڭتۇستىگىندە، ورتالىعىندا قاتتى جاڭبىر جاۋادى. تۇندە وبلىستىڭ وڭتۇستىگىندە، كۇندىز باسىم بولىگىندە كۇن كۇركىرەيدى. كۇندىز وبلىستىڭ ونتۇستىگىندە، ورتالىعىندا بۇرشاق، داۋىل. سولتۇستىكتەن، سولتۇستىك- باتىستان جەل سوعادى، نايزاعاي كەزىندە جەل ەكپىنى - 15-20 م/س.

كۇندىز جامبىل وبلىسىنىڭ تاۋلى اۋداندارىندا قاتتى جاڭبىر جاۋادى. وبلىستىڭ وڭتۇستىگىندە، تاۋلى اۋداندارىندا نايزاعاي، بۇرشاق كۇتىلەدى. سولتۇستىك- باتىستان جەل سوعادى تاڭەرتەڭ جانە كۇندىز وبلىستىڭ وڭتۇستىك- باتىسىندا، سولتۇستىك- شىعىسىندا، تاۋلى اۋداندارىندا - 15-20 م/س. توتەنشە ءورت قاۋپى ساقتالادى.

كۇندىز باتىس قازاقستان وبلىسىنىڭ باسىم بولىگىندە - 35-38 گرادۋس قاتتى ىستىق. وبلىستىڭ وڭتۇستىك- باتىسىندا، وڭتۇستىگىندە، شىعىسىندا جوعارى ءورت قاۋپى ساقتالادى.

قىزىلوردا وبلىسىندا جەل سولتۇستىكتەن، سولتۇستىك- شىعىستان سوعادى، كۇندىز وبلىستىڭ ورتالىعىندا - 15-20 م/س. توتەنشە ءورت قاۋپى ساقتالادى.

اباي وبلىسىنىڭ سولتۇستىگىندە، شىعىسىندا، وڭتۇستىگىندە - نايزاعاي، كۇندىز بۇرشاق. جەل سولتۇستىك- باتىستان سوعادى، وبلىستىڭ سولتۇستىگىندە، شىعىسىندا، وڭتۇستىگىندە كۇشى - 15-20 م/س. وبلىستىڭ سولتۇستىك- باتىسىندا، وڭتۇستىگىندە جوعارى ءورت قاۋپى ساقتالادى.

شىعىس قازاقستان وبلىسىنىڭ سولتۇستىگىندە، شىعىسىندا نايزاعاي، كۇندىز بۇرشاق جاۋادى. جەل سولتۇستىك- باتىستان سوعادى، وبلىستىڭ سولتۇستىگىندە، شىعىسىندا كۇشى - 15-20 م/س. وبلىستىڭ باتىسىندا، وڭتۇستىگىندە، شىعىسىندا جوعارى ءورت قاۋپى ساقتالادى.

تۇندە اقتوبە وبلىسىنىڭ سولتۇستىك- باتىسىندا، كۇندىز سولتۇستىگىندە، سولتۇستىك- شىعىسىندا نايزاعاي جارقىلدايدى. سولتۇستىكتەن، سولتۇستىك- شىعىستان جەل سوعادى، نايزاعاي كەزىندە ەكپىنى - 15-20 م/س. كۇندىز 35-39 گرادۋس قاتتى ىستىق ساقتالادى.

استانادا تاڭەرتەڭ جانە كۇندىز نايزاعاي، بۇرشاق جاۋادى. سولتۇستىك- باتىستان جەل سوعادى، نايزاعاي كەزىندە ەكپىنى - 15-20 م/س.