الماتىدا 42 مىڭ حالىق سەل مەن كوشكىن ءجۇرۋ قاۋىپى بار ايماقتا تۇرادى

استانا. قازاقپارات - ق ر پارلامەنتى سەناتىنىڭ حالىقارالىق قورعانىس جانە قاۋىپسىزدىك كوميتەتىنىڭ ءتوراعاسى داريعا نازاربايەۆا باستاعان جوعارعى پالاتا دەپۋتاتتارى الماتى قالاسىنىڭ سەلگە قارسى دايىندىعىمەن تانىستى، دەپ حابارلايدى قازاقپارات ءتىلشىسى.

«الماتى قالاسىنىڭ سەل جانە كوشكىن ءجۇرۋ قاۋىپى بار جەرلەرىنىڭ كارتاسىن ازىرلەدىك. سەل ءجۇرۋ ءقاۋىپى بار اۋداندارداعى ادام سانى 42 مىڭ بولسا، 6 مىڭ نىسان دا وسى قاۋىپ كارتاسىنا كىردى» ، - دەدى ق ر ءى ءى م توتەنشە جاعدايلار كوميتەتىنىڭ «قازاقستاننىڭ سەلدەن قورعاۋ» مەملەكەتتىك مەكەمەسىنىڭ باسشىسى توقتار بايمولدايەۆ.

سەناتورلار وسى قاۋىپ ايماعىنا كىرگەن نىساندار تۋرالى بىلگىسى كەلدى. «ولاردىڭ اراسىندا تۇرعىن ۇيلەر، قوعامدىق ورىندار، مەيرامحانالار، كوڭىل كوتەرۋ ورىندارى» ، - دەدى دەپۋتاتتاردىڭ سۇراعىنا جاۋاپ بەرگەن ت. بايمولدايەۆ.

 ت. بايمولدايەۆتىڭ ايتۋىنشا، حالىقتى سەل مەن كوشكىننەن قورعاۋ ءۇشىن مەكەمە مۇزدىقتاردى، وزەن- سۋلار، سەل جۇرەتىن باسسەيىندەردى ۇنەمى مونيتورينگىلەپ تۇرادى. ونىڭ ايتۋىنشا، مۇزدىقتاردىڭ كەنەت ەري باستاعانىنا بايلانىستى، اقساي، ايۋساي، ۇلكەن الماتى وزەندەرىندە ءۇش بوگەت سالىپ، تۇيىق سۋ بوگەتىنىڭ سىيىمدىلىعىن ارتتىرۋ جوسپارلانىپ وتىر.

« ءۇش بوگەتتىڭ جوسپارى قۇرىلىپ جاتىر، 2017 -جىلدىڭ ءبىرىنشى توقسانىنا دەيىن جوسپارلاۋ جۇمىستارىن اياقتاۋىمىز كەرەك. ءۇش بوگەتكە شامامەن 17 ميلليون تەڭگە قارجى بەرىلەدى. وسى ءۇش بوگەتتى جوسپارلاۋ جۇمىستارىنا 160 ميلليون تەڭگە ءبولىندى» ، - دەپ حابارلادى ت. بايمولدايەۆ.

 سونداي- اق، د. نازاربايەۆا باستاعان سەناتورلارعا تەڭىز سۋلارى مەن تاۋ وزەندەرىنىڭ كولەمىن اۆتوماتتى تۇردە مونيتورينگتەن وتكىزەتىن ستانسانىڭ جوباسى تانىستىرىلدى. ق ر ىشكى ىستەر ۆيتسە- ءمينيسترى يۋري ءيليننىڭ ايتۋىنشا، مينيسترلىك پەن الماتى بۇل جوباعا قىزىعىپ وتىر.

«ەندەشە، سىزدەرگە ساتتىلىك تىلەيمىن. باستىسى - پايدالى جوبا بولسىن» ، - دەدى د. نازاربايەۆا.