ەلىمىزدە تىركەلگەن 428 ءدىني ميسسيونەردىڭ 361 ى شەتەلدىك

استانا. قازاقپارات - اقپارات جانە قوعامدىق دامۋ مينيسترلىگى ەلدە تىركەلگەن ءدىني ميسسيونەرلەردىڭ سانىن جاريالادى، دەپ حابارلايدى قازاقپارات ءتىلشىسى.

مالىمەت ۆەدومستۆونىڭ رەسمي سايتىندا بەرىلگەن. 2023 -جىلدىڭ I توقسانىنداعى جاعداي بويىنشا، قازاقستان اۋماعىندا رەسمي تىركەلگەن 428 ميسسيونەر بار. ونىڭ 361 ى شەتەلدىك بولسا، 67 سى قازاقستان رەسپۋبليكاسىنىڭ ازاماتى.

سونداي-اق مينيسترلىك 2023 -جىلدىڭ I توقسانىنا دەيىن رەسمي تىركەلگەن ءدىني عيبادات عيماراتتارىنىڭ سانى تۋرالى مالىمەت ۇسىنىپ وتىر.

رەسمي دەرەك بويىنشا ەلىمىزدە بارلىعى 3710 تىركەلگەن عيبادات ءۇيى بار. ونىڭ 2779 ى يسلام باعىتى ءدىنىن ۇستاناتىندارعا، 303 ى پراۆوسلاۆتارعا، 115 ى كاتوليكتەرگە، 155 ى باپتيستەرگە، التاۋى يۋدايستەرگە، بىرەۋى بيددۋستەرگە قىزمەت كورسەتەدى. تىركەلگەن عيبادات ۇيلەرىنىڭ ءار كونفەسسياعا بولىنگەن سانى تومەندەگى كەستەدە بەرىلگەن.

يسلام - 2779

پراۆوسلاۆيە - 303

كاتوليتسيزم - 115

ەلۋىنشىلەر - 148

باپتيستەر - 155

مەنونيتتەر - 4

پرەسۆيتەرياندار - 52

جەتىنشى كۇن ادۆەنتيستەرى - 33

ليۋتەرانتتار - 18

مەتوديستەر - 9

جاڭا اپوستولشىلدارى - 24

مورموندار 0

يەگوۆا كۋاگەرلەرى - 57

كريشنايتتەر - 4

باحايلەر - 2

يۋدايزم - 6

بۋدديزم - 1