تامىزدا قازاقستاندىقتارعا 42500 تەڭگە بەرىلۋى مۇمكىن بە
بۇل سۇراققا و ك ق- دا وتكەن باسپا ءسوز ءماسليحاتىندا ۇلتتىق ەكونوميكا ءمينيسترى رۋسلان دالەنوۆ جاۋاپ بەردى، دەپ حابارلايدى قازاقپارات ءتىلشىسى.
«وزدەرىڭىز بىلەتىندەي، مەملەكەتتىك كوميسسياعا كارانتين مەرزىمىن ۇزارتۋ ماسەلەسىن قاراۋ تۋرالى تاپسىرما جۇكتەلگەن بولاتىن. تاياۋدا وتەتىن مەملەكەتتىك كوميسسيانىڭ وتىرىسىندا ءبىرقاتار مىندەت قارالىپ، ونىڭ ىشىندە حالىق پەن ەكونوميكانى قولداۋ ماسەلەسى دە پىسىقتالادى. بۇل ماسەلە سول سەبەپتى مەملەكەتتىك كوميسسيانىڭ وتىرىسىنان كەيىن بەلگىلى بولادى»، - دەدى رۋسلان دالەنوۆ.
ەسكە سالا كەتسەك، شىلدە ايىندا قازاقستاندىقتارعا 42500 تەڭگەدەن بەرىلەتىنى حابارلانعان بولاتىن. 29 -شىلدە ساعات 9.00 دەگى جاعداي بويىنشا 42500 تەڭگە مولشەرىندە ءبىرجولعى تولەم تاعايىنداۋعا ازاماتتاردان 2,2 ميلليوننان استام بىرەگەي ءوتىنىش قابىلدانعان. تولەم 2 ميلليون ادامعا تاعايىندالدى. اقشالاي قاراجات 1 ميلليون 981 مىڭ قازاقستاندىققا اۋدارىلعان.
