ستۋدەنتتەر 42500 تەڭگە الەۋمەتتىك تولەم الا ما
نۇر-سۇلتان. قازاقپارات - جۇمىس ىستەپ تابىس تاۋىپ جۇرگەن ستۋدەنتتەر دە 42500 تەڭگە الەۋمەتتىك تولەم الا الادى.
بۇل تۋرالى بۇگىن ورتالىق كوممۋنيكاتسيالار قىزمەتىندەگى بريفينگتە ق ر ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ ايتتى، دەپ حابارلايدى قازاقپارات ءتىلشىسى.
«ستۋدەنتتەر الەۋمەتتىك تولەم الا دەگەن دە سۇراق كەلىپ جاتىر. بۇل رەتتە ستۋدەنتتەر دەگەن بولەك سانات جوق. سەبەبى ول - ەلىمىزدىڭ كامەلەتتىك جاسقا تولعان ازاماتى. ەڭبەك زاڭىنا سايكەس، 16 جاستان باستاپ جۇمىس ىستەۋگە بولادى. شاكىرتاقى الاتىندىعىنا، المايتىندىعىنا قاراماستان جۇمىس ىستەۋىنە ەش كەدەرگى جوق. ونداي شەكتەۋ دە قويىلمايدى»، - دەدى مينيستر.
ونىڭ اتاپ وتۋىنشە، ستۋدەنتتەردىڭ باسىم كوپشىلىگى وقۋ پروتسەسىنە كەدەرگى كەلمەيتىن ۋاقىتتا جۇمىس ىستەپ ءجۇر.
«مەيرامحانالاردا داياشى، دۇكەندەردە ساتۋشى بولىپ جۇمىس ىستەيتىندەر بار. ولار رەسمي جانە بەيرەسمي جۇمىس ىستەپ ءجۇر. سوندىقتان ستۋدەنتتەرگە جالپى بارلىق ازاماتتارعا بىردەي ءتارتىپ تارايدى. ەگەر رەسمي جۇمىس ىستەسە، جۇمىس بەرۋشى بەرەدى. ال ءوز بەتىنشە اقشا تاۋىپ جۇرگەندەر بولسا، ءوتىنىش بەرۋلەرى قاجەت. ءبىراق، ودان ءبىر كۇن بۇرىن ءبىرىڭعاي جيىنتىق تولەمدى تولەۋى كەرەك. سول كەزدە الەۋمەتتىك تولەم الادى. ءبىز شاكىرتاقى الاتىندىعىن نە المايتىندىعىن تەكسەرىپ جاتپايمىز»، - دەدى ءبىرجان نۇرىمبەتوۆ.
