42 گرادۋسقا دەيىنگى ىستىق، شاڭدى داۋىل: 9 وڭىردە ەسكەرتۋ جاريالاندى

نۇر- سۇلتان. قازاقپارات - «قازگيدرومەت» ر م ك 23- مامىر كۇنى اۋا رايىنىڭ بۇزىلۋىنا بايلانىستى بىرنەشە وڭىردە ەسكەرتۋ جاريالادى، دەپ حابارلايدى قازاقپارات.

اتاپ ايتقاندا، كۇندىز ماڭعىستاۋ وبلىسىندا شاڭدى داۋىل كۇتىلەدى. وڭتۇستىك- شىعىستان، وڭتۇستىكتەن سوعاتىن جەلدىڭ كۇشى كەي جەرلەردە 15-18 م/س ارتادى. كۇندىز جەكەلەگەن اۋماقتاردا 38-42 گرادۋس قاتتى ىستىق بولجانادى.

باتىس قازاقستان وبلىسىندا 39 گرادۋسقا دەيىن قاتتى ىستىق بولادى. جەل وڭتۇستىك- شىعىستان، وڭتۇستىكتەن سوعادى، كۇندىز ەكپىنى 15-20 م/س قۇرايدى.

قىزىلوردا وبلىسىنىڭ كەي جەرلەرىندە شاڭدى داۋىل تۇرادى. سولتۇستىك- شىعىستان سوعاتىن جەلدىڭ جىلدامدىعى 25 م/س ارتۋى ىقتيمال. اتىراۋ وبلىسىندا كەي جەرلەردە شاڭدى داۋىل كۇتىلەدى.

وڭتۇستىك- شىعىستان جەل سوعادى، كۇشى جەكەلەگەن اۋماقتاردا 15-20 م/س بولادى. كۇندىز 39 گرادۋس قاتتى ىستىق ساقتالادى. كۇندىز تۇركىستان وبلىسىنىڭ تاۋلارىندا نايزاعاي كۇتىلەدى. كەي جەرلەردە شاڭدى داۋىل تۇرادى.

سولتۇستىك- شىعىستان سوعاتىن جەلدىڭ كۇشى 15-20 م/س، ەكپىنى 23 م/س بولادى. شىمكەنت قالاسىندا سولتۇستىك- شىعىستان 15-20 م/س كۇشپەن جەل سوعادى. كۇندىز قوستاناي وبلىسىندا 36 گرادۋسقا دەيىن قاتتى ىستىق كۇتىلەدى.

كۇندىز سولتۇستىك قازاقستان وبلىسىندا وڭتۇستىك- باتىستان جەل سوعادى، كەي جەرلەردە كۇشى 25 م/س جەتەدى. 35-36 گرادۋس ىستىق بولجانادى.

كۇندىز 23-25 مامىردا جامبىل وبلىسىندا تاۋدا نايزاعاي، بۇرشاق كۇتىلەدى. 23-25-مامىردا كەي جەرلەردە سولتۇستىك- شىعىستان جەل سوعادى، ەكپىنى 25 م/س جەتەدى.