بيىلعى توعىز ايداعى ەكسپورت 42,5 پايىزعا تومەندەدى - ە. دوسايەۆ

استانا. قازاقپارات - بيىلعى توعىز ايداعى ەكسپورت 42,5 پايىزعا تومەندەدى. بۇل تۋرالى بۇگىن اقوردادا مەملەكەت باسشىسى نۇرسۇلتان نازاربايەۆتىڭ توراعالىعىمەن ءوتىپ جاتقان ۇكىمەتتىڭ كەڭەيتىلگەن وتىرىسىندا بيىل 10 ايداعى ەلىمىزدىڭ الەۋمەتتىك- ەكونوميكالىق دامۋىنىڭ الدىن الا ناتيجەسىن بايانداۋ كەزىندە ق ر ۇلتتىق ەكونوميكا ءمينيسترى ەربولات دوسايەۆ ءمالىم ەتتى.

 «قۇرىلىس جۇمىستارىنىڭ كولەمى 3,8 پايىزعا، قۇرىلىس ماتەريالدارىنىڭ ءوندىرىسى 4,2 پايىزعا، تۇرعىن ءۇي قۇرىلىسىنا ينۆەستيتسيالار كولەمى 13,4 پايىزعا ءوستى. قىزمەت كورسەتۋ سالاسىندا تۇراقتى ءوسىم بايقالۋدا، ونىڭ ىشىندە كولىك سالاسىنداعى قىزمەت كورسەتۋ 5,6 پايىزعا ارتتى»، - دەدى مينيستر.

ونىڭ سوزىنە قاراعاندا، قازاقستاننىڭ بيىلعى توعىز ايداعى ەكسپورتى 42,5 پايىزعا، ال يمپورت 23,8 پايىزعا قىسقاردى.

 «تەڭگەنىڭ ەركىن باعامىنا كوشۋ ناتيجەسىندە قازاندا ينفلياتسيا 5,2 پايىزدى قۇرادى، جىلدىق ماندە 9,4 پايىزدى قامتىدى. قازاندا جۇمىسسىزدىق دەڭگەيى 4,9 پايىزدى قۇرادى»، - دەدى ە. دوسايەۆ.

اۆتور: رۋسلان عابباسوۆ