قازگيدرومەت: 40 گرادۋسقا دەيىنگى ايازدار سارسەنبى كۇنى دە ساقتالادى

None
استانا. قازاقپارات - «قازگيدرومەت» ر م ك 11- قاڭتاردا اۋا رايىنىڭ ناشارلاۋىنا بايلانىستى بىرنەشە وڭىردە ەسكەرتۋ جاريالادى، دەپ حابارلايدى قازاقپارات.

تۇندە الماتى وبلىسىنىڭ تاۋلى جانە تاۋ ەتەگىندە ورنالاسقان ەلدى مەكەندەردە قاتتى قار جاۋادى. سونداي-اق تۇمان، كوكتايعاق، جاياۋ بۇرقاسىن كۇتىلەدى.

الماتى قالاسىندا كەي ۋاقىتتا تۇمان ءتۇسىپ، كوكتايعاق بولادى.

تۇندە اتىراۋ وبلىسىندا 30 گرادۋس قاتتى اياز كۇتىلەدى.

تۇندە اقتوبە وبلىسىنىڭ سولتۇستىگىندە 40-41 گرادۋس قاتتى اياز بولجانادى.

تۇندە اقمولا وبلىسىنىڭ وڭتۇستىگىندە، شىعىسىندا 40 گرادۋس قاتتى اياز كۇتىلەدى.

تۇندە قاراعاندى وبلىسىنىڭ باسىم بولىگىندە 35-38 گرادۋس قاتتى اياز بولادى.

تۇندە جانە تاڭەرتەڭ تۇركىستان وبلىسىنىڭ تاۋلارىندا مول قار جاۋادى. وبلىستىڭ وڭتۇستىگىندە، تاۋ بوكتەرىندەگى اۋدانداردا تۇمان، بۇرقاسىن بولادى. سولتۇستىك-باتىستان، سولتۇستىكتەن جەل سوعادى، وبلىستىڭ سولتۇستىگىندە، تاۋلى اۋداندارىندا كۇشى 15-20 م/س قۇرايدى.

تۇندە جانە تاڭەرتەڭ شىمكەنت قالاسىندا كەي ۋاقىتتا تۇمان كۇتىلەدى.

تۇندە ماڭعىستاۋ وبلىسىندا 25 گرادۋس قاتتى اياز كۇتىلەدى.

12-13- قاڭتارداعى اۋا رايى بولجامى:

12- قاڭتاردا تۇندە قاراعاندى وبلىسىنىڭ باسىم بولىگىندە 40-41 گرادۋس قاتتى اياز كۇتىلەدى.

12- قاڭتاردا تۇندە ۋلىتاۋ وبلىسىنىڭ شىعىسىندا 40 گرادۋس قاتتى اياز كۇتىلەدى.

12-13- قاڭتاردا تۇندە تۇركىستان وبلىسىنىڭ سولتۇستىگىندە، تاۋلى اۋداندارىندا 30-31 گرادۋس قاتتى اياز كۇتىلەدى.

12-13- قاڭتاردا تۇندە جەتىسۋ، الماتى وبلىستارىنىڭ سولتۇستىگىندە، تاۋلى اۋداندارىندا 30-33 گرادۋس قاتتى اياز كۇتىلەدى.

سوڭعى جاڭالىقتار