07:02, 02 - قىركۇيەك 2021 | GMT +6
امەريكا تۇرعىنى 40 جىل بويى قوقىستان ءۇي سالىپ شىققان
نۇر-سۇلتان.قازاقپارات - امەريكالىق سۋرەتشى ريچارد دەلبريدج ءۇي سالۋعا 40 جىل ۋاقىتىن جۇمساعان، دەپ حابارلايدى «حابار 24» korrespondent.net سىلتەمە جاساپ.
ءۇيدىڭ %75 قوقىستان تۇرادى. ەرەكشە عيمارات وكلاحوما شتاتىندا ورنالاسقان. ول قوقىس قالدىقتارىمەن بەزەندىرىلگەن. ءۇي يەسىنە قوقىستاردان ءۇي سالۋ يدەياسى 1970 -جىلدارى كەلگەن.
ريچارد نيۋ- مەكسيكوداعى امەريكاندىقتاردىڭ ۇيلەرىنەن شابىت العانىن ايتادى. ونداعان جىلدار بويى دەلبريدج تۋريستەر قالدىرعان قوقىستى جيناپ، جول جيەگىنەن ءار ءتۇرلى ۇساق زاتتاردى جيناپ كەلگەن.
«قوقىسقا تاستالعان ويىنشىقتار وتە ايانىشتى بولىپ كورىندى، سوندىقتان ولاردى دا ءۇيىمدى بەزەندىرۋگە پايدالاندىم»، - دەيدى سۋرەتشى.
قۇرىلىس كەزىندە ول اليۋميني بوتەلكەلەر مەن ەسكى كىرپىشتەردى دە قولدانعان.