16:24, 10 - اقپان 2021 | GMT +6
قىتايدا كوروناۆيرۋسقا قارسى ۆاكسينانىڭ 40 ميلليون دوزاسى ەگىلدى
بەيجىڭ. قازاقپارات - قىتايدا 10- اقپاندا كوروناۆيرۋسقا قارسى ۆاكسينانىڭ 40,52 ميلليون دوزاسى ەگىلدى. بۇل تۋرالى قازاقپارات ق ح ر دەنساۋلىق ساقتاۋ ىستەرى جونىندەگى مەملەكەتتىك كوميتەتىنىڭ مالىمدەمەسىنە سىلتەمە جاساپ حابارلايدى.
«2021 -جىلعى 9 - اقپان، ساعات 24:00-دەگى جاعداي بويىنشا ەلدە جالپى العاندا ۆاكسينانىڭ 40,52 ميلليون دوزاسى ەگىلدى» دەلىنگەن ۆەدومستۆونىڭ مالىمدەمەسىندە.
ق ح ر دەنساۋلىق ساقتاۋ ىستەرى جونىندەگى مەملەكەتتىك كوميتەتىنىڭ رەسمي وكىلى مي فەننىڭ ايتۋىنشا، قىتايدا ءۇش كۇن بويى قاتارىنان كوروناۆيرۋسقا شالدىعۋدىڭ جاڭا وقيعالارى انىقتالعان جوق. الايدا ول قىتايداعى جاڭا جىل مەرەكەسى كەزەڭىندە ەل ىشىندە ادامداردىڭ ءجۇرىپ- تۇرۋى مەن كوپتەپ جينالۋىنا بايلانىستى ەپيدەميانىڭ تارالۋ قاۋپى ءوسىپ جاتقانىن ەسكەرتىپ، وسىعان بايلانىستى «قىراعى بولۋعا» شاقىردى.
ەسكە سالا كەتسەك، قىتايدا جاڭا جىل 12- اقپان، جۇما كۇنى باستالادى.
اۆتور: زارينا تۋعانبايەۆا