بوتاي قونىسىندا قازبا جۇمىستارىنىڭ باستالعانىنا بيىل 40 جىل تولدى
ولاردىڭ كەيبىرى رەسپۋبليكا كولەمىندە تويلانسا، جەرلەس اقىن- جازۋشىلاردىڭ مەرەيتويلارىنا وراي وڭىردە ءبىرقاتار ءىس- شارالار وتپەك، دەپ حابارلايدى قازاقپارات ءتىلشىسى.
وبلىستىق مادەنيەت، ارحيۆتەر جانە قۇجاتتاما باسقارماسىنىڭ مالىمەتىنشە، بيىل وڭىردە باسىمدىق بەرىلگەن مەرەيتويلاردىڭ سانى ونعا جۋىق. ءابۋ ناسىر ءال فارابيدىڭ 1150 جىلدىعى، التىن وردانىڭ قۇرىلعانىنا 750 جىلدىعى، ابايدىڭ 175 جىلدىعى، ۇلى جەڭىستىڭ 75 جىلدىعى. بۇل مەرەيلى داتالار ەل كولەمىندە اتالىپ وتەدى. بۇدان باسقا جەرگىلىكتى دەڭگەيدە تويلاناتىن مەرەيتويلار دا بار. سونىڭ ءبىرى - قازاقتىڭ اقىن- جازۋشىسى ءسابيت مۇقانوۆتىڭ 120 جىلدىعى بولسا، ەندى ءبىرى - بوتاي قونىسىندا ارحەولوگيالىق قازبا جۇمىستارىنىڭ باستالعانىنا 40 جىل تولۋى. وسىعان وراي وڭىردە ءبىرقاتار ءىس- شارالار جوسپارلانعان. ال سولتۇستىك قازاقستان مەملەكەتتىك ءارحيۆى جىلدا اتاۋلى جانە ەستە قالارلىق كۇندەردىڭ كۇنتىزبەسىن جاسايدى. بيىل ول قالىڭ كىتاپ بولىپ جارىققا شىقتى.
«بيىل ەلىمىزدە اتالىپ وتەتىن اتاۋلى كۇندەردىڭ ءارقايسىسىنا سقو- نىڭ قاتىسى بار. ماسەلەن بىلتىر ءۋاليحانوۆ اۋدانىندا التىن وردا داۋىرىنە جاتاتىن تاريحي ەسكەرتكىش تابىلدى. « قىزىل وبا» اتانعان مازارلار - جوشى حان ۇرپاعىنا تيەسىلى. بۇل ءبىزدىڭ سولتۇستىك ولكەنىڭ دامىعان قازاقستاننىڭ ءبىر بولىگى بولعاندىعىنىڭ دالەلى سانالادى» ، - دەيدى سولتۇستىك قازاقستان مەملەكەتتىك ءارحيۆىنىڭ ديرەكتورى ساۋلە مالىكوۆا.
ۇلى جەڭىستىڭ 75 جىلدىعى ءار قازاقستاندىق ءۇشىن ماڭىزدى داتا. ساۋلە مالىكوۆانىڭ ايتۋىنشا، وڭىردەن 100 مىڭعا جۋىق ادام سوعىسقا قاتىسسا، سونىڭ تەڭ جارتىسى ەلگە قايتىپ ورالمادى. س ق و- دان كەڭەس وداعىنىڭ 55 باتىرى شىقسا، بيىل سولاردىڭ ەكەۋىنىڭ - جالەل قيزاتوۆ جانە ءابۋ دوسمۇحامبەتوۆتىڭ تۋعانىنا 100 جىل تولماق. «كەڭەس ۇكىمەتىنىڭ جاعىمسىز جاقتارىن شىعارمالارىنا نەگىز ەتكەن حالىق سازگەرى، ءانشى، اقىن ۇكىلى ىبىرايدىڭ دۇنيەگە كەلگەنىنە 160 جىل تولماق. ونى ۇكىمەت جاي عانا قۋدالاپ قويعان جوق، 72 جاسىندا قارتتىعىنا قاراماستان اتۋ جازاسىنا كەستى. بۇل ۇلكەن تويلاردى، مەملەكەت باسشىسىنىڭ سوزىمەن ايتاتىن بولساق، توي رەتىندە عانا ەمەس، بىزگە وي سالاتىنداي ەتىپ، رۋحاني جاڭعىرۋىمىزعا جول اشاتىنداي ەتىپ وتكىزۋىمىز كەرەك» ، - دەيدى ساۋلە مالىكوۆا.
