قازاقستان ارقىلى وتەتىن كونتەينەرلىك تاسىمالدار كولەمى جەتى ايدا 40 پايىزعا ءوستى
ج. قاسىمبەكتىڭ مالىمدەۋىنشە، 2018 ج. 7 ايىنىڭ قورىتىندىسى بويىنشا ونەركاسىپ ءوندىرىسىنىڭ كولەمى 5,1 پايىزعا ءوستى. اتاپ ايتقاندا، تاۋ- كەن ونەركاسىبىندەگى ءوسىم - 5,4 پايىز، وندەۋ ونەركاسىبىنىڭ ءوسىمى - % 4,9. 14 وڭىردە ونەركاسىپ ءوندىرىسىنىڭ كولەمى ءوسىپ وتىر. تاۋ- كەن ونەركاسىبىندە ءتۇستى مەتالدار كەنىن ءوندىرۋ كولەمى 3,1 پايىزعا جانە تەمىر كەنىن ءوندىرۋ كولەمى 7,4 پايىزعا ءوستى. «ءوسىم «سوكولوۆ- سارىباي تاۋ- كەن بايىتۋ وندىرىستىك بىرلەستىگى» ا ق- دا تەمىر كەنىن ءوندىرۋ كولەمىنىڭ ارتۋى ەسەبىنەن ورىندالىپ وتىر.
ءتۇستى مەتالدار كەنىن ءوندىرۋ كولەمىنىڭ ءوسىمى «قازاق مىس كورپوراتسياسى» ج ش س- دە، «كوپپەر تەحنولودجي» ج ش س- دە مىس كەنىن جانە «قازاقستان اليۋمينيي» ا ق- دا بوكسيت ءوندىرۋ كولەمىنىڭ ارتۋىمەن بايلانىستى»، - دەدى ج. قاسىمبەك.
ينۆەستيتسيالار جانە دامۋ مينيسترلىگىنىڭ دەرەكتەرىنە سايكەس، وڭدەۋ ونەركاسىبىندە مەتاللۋرگيا ونەركاسىبىنىڭ 3,6 پايىزعا، حيميا ونەركاسىبىنىڭ 10,9 پايىزعا، ماشينا جاساۋدىڭ 16 پايىزعا، جيھاز ءوندىرۋدىڭ 5,2 پايىزعا جانە جەڭىل ونەركاسىپتىڭ 2,3 پايىزعا ءوسىمى بايقالادى. كولىك كەشەنى بويىنشا جوپارلى كورسەتكىشكە قول جەتكىزىلدى. مۇندا قاڭتار- شىلدە ايلارىندا ناقتى كولەم يندەكسى 104,9 پايىزدى قۇرادى.
«2018 -جىلدىڭ جەتى ايىنىڭ قورىتىندىسى بويىنشا قازاقستان ارقىلى 250,8 مىڭ كونتەينەر تاسىمالداندى. بۇل وتكەن جىلدىڭ سايكەس كەزەڭىمەن سالىستىرعاندا 40 پايىزعا، وسكەن. ق ح ر - ە و - ق ح ر باعىتى بويىنشا بۇل كورسەتكىش 143,9 مىڭ كونتەينەرگە جەتتى. ياعني، بىلتىرعى جىلدىڭ سايكەس كەزەڭىمەن سالىستىرعاندا 63 پايىزعا ءوسىپ وتىر. كولىك قىزمەتىنىڭ كىرىسى 17,5 پايىزعا ءوسىپ، 1,5 تريلليون تەڭگەنى قۇرادى»، - دەدى مينيستر ج. قاسىمبەك.
بۇعان قوسا، قۇرىلىس بويىنشا ناقتى كولەم يندەكسى 101,3 پايىز بولدى. 13 وبلىستا وڭ قارقىن بايقالادى. ال، ءتورت وڭىردە كورسەتكىشتىڭ تومەندەۋى بەلگىلەنگەن: استانادا، شىمكەنتتە، اتىراۋ جانە پاۆلودار وبلستارىندا. ج. قاسىمبەكتىڭ ايتۋىنشا استانا قالاسىندا كورسەتكىشتىڭ تومەن بولۋى بىلتىر «ەكسپو-2017» نىساندارىنىڭ، «Mega Silkway» س و قۇرىلىسىنىڭ، اۋەجايدىڭ جاڭا تەرمينالىنىڭ جانە «نۇرلى جول» تەمىرجول ۆوكزالى قۇرىلىستارىنىڭ جوعارى قارقىنمەن جۇرگىزىلگەنىنە بايلانىستى بولىپ وتىر.
شىمكەنت قالاسىندا كوپ پاتەرلى تۇرعىن ۇيلەر قۇرىلىس جۇمىستارىنىڭ كولەمى تومەندەدى. اتىراۋ وبلىسىندا ونەركاسىپ نىساندارى مەن ماگيسترالدى قۇبىر قۇرىلىسىنىڭ جۇمىس كولەمى تومەندەدى. پاۆلودار وبلىسىندا كورسەتكىشتىڭ تومەن بولۋى پاۆلودار مۇناي حيميا زاۋىتىن جاڭارتۋ جۇمىستارىنىڭ اياقتالۋىمەن بايلانىستى. سونىمەن قاتار، تۇرعىن- ءۇي قۇرىلىسى بويىنشا «نۇرلى جەر» مەملەكەتتىك باعدارلاماسىن ىسكە اسىرۋ جالعاسىپ جاتىر. جىل باسىنان بەرى 608 ميلليارد تەڭگە ينۆەستيتسيا قۇيىلدى. بۇل وتكەن جىلداعى دەڭگەيدەن 129,7پايىزعا جوعارى. «جالپى كولەمى 6,8 ميلليون شارشى مەتر بولاتىن تۇرعىن ءۇي پايدالانۋعا بەرىلدى. تۇرعىن ۇيلەردى پايدالانۋعا بەرۋ جىلدىق جوسپارىنىڭ 55,8 پايىزى ورىندالدى. جالپى رەسپۋبليكا بويىنشا 58 مىڭ باسپانا پايدالانۋعا بەرىلدى، ونىڭ ىشىندە 23662 جەكە ءۇي بار»، - دەپ مالىمدەدى مينيستر.
وسى قارقىندى تومەندەتپەي، وعان قوسا «7-20-25» يپوتەكالىق نەسيەلەۋ باعدارلاماسى ويداعىداي ىسكە اسىرىلسا، ج. قاسىمبەكتىڭ ايتۋىنشا، جىلدىڭ سوڭىنا دەيىن تۇرعىن ءۇي قۇرىلىسىنىڭ جوسپارلى كورسەتكىشتەرى ورىندالادى.
«جالپى، 2018 -جىلدىڭ قورىتىندىسى بويىنشا مينيسترلىك جەتەكشىلىك ەتەتىن بارلىق سالالار بويىنشا جوسپارلانعان ناقتى كولەم يندەكسىنە قول جەتكىزۋ كوزدەلىپ وتىر»، - دەدى ج. قاسىمبەك.
ءوز كەزەگىندە اۋىل شارۋاشىلىعى ۆيتسە- ءمينيسترى بەرىك بەيسەنعاليەۆ اۋىل شارۋاشىلىعى جالپى ءونىمىنىڭ كولەمى جەتى ايدا 3,5%- عا وسكەنىن ايتتى. «وسىمگە مال شارۋاشىلىعى ونىمدەرىنىڭ ءوندىرىسىن 4,1%- عا ارتتىرۋ ەسەبىنەن قول جەتكىزىلدى. سونىمەن قاتار، وسى كەزەڭدە ازىق- تۇلىك تاۋارلارىن ءوندىرۋ 4,4%- عا ۇلعايدى»، - دەدى ب. بەيسەنعاليەۆ. ۆيتسە- مينيستر رەسپۋبليكالىق بيۋدجەتتى ورىنداۋ اياسىندا اۋىل شارۋاشىلىعى مينيسترلىگىنە 2018 -جىلى 355,5 ميلليارد تەڭگە بولىنگەنىن اتاپ ءوتتى. ەسەپتى كەزەڭدە يگەرۋ جوسپارى 240,2 ميلليارد تەڭگە قۇرادى، ناقتى 233,2 ميلليارد تەڭگە نەمەسە جوسپاردىڭ 97,1 پايىزى يگەرىلدى.
اقپارات كوزى: primeminister.kz
