قازاقستاندىق سۋڭگۋىرلەر ىستىق كولدە 40 مەتر تەرەڭدىككە ءتۇستى

بىشكەك. قازاقپارات - شولپان اتا قالاسىندا حالىقارالىق ازاماتتىق قورعانىس ۇيىمى اياسىندا (موگو) «سۋعا سۇڭگۋ ءىسى» بويىنشا جيىن ءوتتى، دەپ حابارلايدى «كابار» اگەنتتىگى.

جيىنعا 7 ەل - قىرعىزستان، رەسەي، گرۋزيا، قازاقستان، وزبەكستان، موڭعوليا جانە يندونەزيا وكىلدەرى قاتىستى. بۇل باس قوسۋدىڭ نەگىزگى ماقساتى - «سۋعا سۇڭگۋ ءىسى» بويىنشا مامانداردى وقىتۋ، كاسىبي بىلىكتىلىگىن كوتەرۋ جانە قاتىسۋشى ەلدەر ماماندارىنىڭ ءوزارا بايلانىسىن نىعايتۋ.

رەسەي اسكەري تەڭىز فلوتىنىڭ قارۋلى كۇشتەرى جيىندى وتكىزۋدى قامتاماسىز ەتتى.

رەسەي بازاسىنان ارنايى جاراقتالعان ەكى موتورلى قايىقپەن مامان-سۇڭگۋىرلەر كەلدى. «ولار جيىنعا قاتىسۋشىلارعا ۋ ۆ س- 50 م، س ۆ ۋ-5(1) جانە س ۆ ۋ-5(2) - ءنىڭ سۋعا سۇڭگۋگە ارنالعان جابدىقتارىن كورسەتتى.

وقۋ-جاتتىعۋ كەزىندە قاتىسۋشىلار ۋ ۆ س-50م جابدىعىمەن 10 مەتر، سونداي-اق باروكامەرامەن 40 مەترگە دەيىن تەرەڭدىككە ءتۇستى»، - دەپ حابارلادى رەسەيلىك «كانت» اۋە بازاسىنىڭ باسپا ءسوز قىزمەتى.