كونستيتۋتسيا كۇنى قارساڭىندا 40 اقتوبەلىك وتباسى باسپانالى بولدى - فوتو
جۋىردا 40 وتباسى ادەمى زاماناۋي ارلەنگەن، سونىڭ ىشىندە تۇرعىن ءۇي قۇرىلىس جيناق جۇيەسىنە قاتىسىپ، ساتىپ العان جاڭا پاتەرلەرگە كوشەتىن بولادى.
كىلتتى 29 -تامىزدا اقتوبە وبلىسىنىڭ اكىمى بەردىبەك ساپاربايەۆ تابىس ەتتى.
- مەملەكەتىمىزدىڭ، ەل پرەزيدەنتىنىڭ ساياساتى ەڭ الدىمەن ەكونوميكالىق ءوسىمدى قامتاماسىز ەتۋگە، حالىقتىڭ ءال- اۋقاتىن ارتتىرۋعا باعىتتالعان. قازاقستاندا ازاماتتاردىڭ باسپانامەن قامتىلۋ قۇقىقتارىنا كەپىلدىك بار، جانە مەملەكەت اتالمىش قۇقىقتى جۇزەگە اسىرۋ ءۇشىن بارلىق قاجەتتى شارالاردى قولدانۋدا. وتكەن جىلى وبلىس بويىنشا 610 مىڭ شارشى مەتردەن استام تۇرعىن ءۇي پايدالاۋعا بەرىلىپ، 5 مىڭعا تارتا وتباسى جاڭا پاتەرلى بولدى. جەتى جىل بۇرىن «باتىس-2» شاعىن اۋدانىنىڭ ورنى بوس جاتقان جەر بولاتىن، ال بۇگىندە ول - ءاربىر ەكى- ءۇش اي سايىن كەزەكتى كوپقاباتتى تۇرعىن ءۇيدى پايدالانۋعا بەرەتىن زاماناۋي تۇرعىن ءۇي الابى. «نۇرلى جەر» باعدارلاماسىن جۇزەگە اسىرۋ «نۇر اقتوبە» تۇرعىن ءۇي الابىندا دا بەلسەندى تۇردە ۇيلەر سالۋعا مۇمكىندىك بەرەدى. وبلىس باسشىلىعىنىڭ اتىنان سىزدەردى كونستيتۋتسيا كۇنىمەن جانە باسپانالى بولۋلارىڭىزبەن قۇتتىقتايمىن، - دەدى بەردىبەك ساپاربايەۆ جاڭا قونىستانۋشىلارعا قاراتا ايتقان سوزىندە.
ايتا كەتۋ كەرەك، 2017 -جىلدىڭ قورىتىندىسى بويىنشا اقتوبە وبلىسىندا كەم دەگەندە 650 مىڭ شارشى مەتر تۇرعىن ءۇيدى پايدالانۋعا بەرۋ جوسپاردا بار.
ءوڭىر باسشىسى سونداي-اق، نەگىزگى مىندەتى بالالاردىڭ ويىن جانە رۋحاني دامىتۋ بولىپ تابىلاتىن «بالالىق شاقتىڭ رەزيدەنتسياسى» بالانىڭ ۇيلەسىمدى دامۋى ورتالىعىنىڭ اشىلۋ سالتاناتىندا دا بولدى. اتاپ ايتقاندا، كۇن سايىن مەكتەپكە دەيىنگى 800 گە تارتا بالا حورەوگرافيا، بەينەلەۋ ونەرى، مەنتالدىق ماتەماتيكا ۇيىرمەلەرىنە، سپورتتىق سەكتسيالارعا جانە ت. ب. بارا الادى.
بالالىق شاقتىڭ رەزيدەنتسياسى ءجۇز ادامدى تۇراقتى جۇمىس ورنىمەن قامتىعان جاڭا كوپفۋنكتسيونالدى كەشەندە ورنالاسقان. سونداي- اق، كەشەننىڭ ءبىرىنشى قاباتىندا قالالىق اكىمدىك پەن كوممۋنالدىق كاسىپورىندار كورسەتەتىن مەملەكەتتىك قىزمەتتىڭ بارلىق ءتۇرىن ۇسىناتىن جاڭا ورتالىقتى ورنالاستىرۋ جوسپاردا بار.