ەكسپونى 40 جاس جۇپ ارالاپ شىقتى - فوتو
استانا. قازاقپارات - وسىلايشا، ۇلكەن ومىرگە قادام باسىپ وتىرعان جاستار بۇل كۇندى ەستە قالاتىنداي ەتىپ وتكىزۋگە تىرىستى، دەپ حابارلايدى قازاقپارات ءتىلشىسى.
شارا ۇيىمداستىرۋشىسى رىسكۇل تالعابايەۆانىڭ ايتۋىنشا، جىل سايىن 50 گە جۋىق جاس جۇپ قازاقستاننىڭ ەڭ ۇلكەن تۋى تۇبىندە نەكە قيۋ راسىمىنە قاتىسادى.
"بيىل ءبىز ول شارانى وزگەشە ەتىپ وتكىزۋدى ۇيعاردىق. الدىمەن ەكسپو-2017 كورمەسىن ارالاپ شىققاندى ءجون كوردىك. سەبەبى ونداي كورمە ەلىمىزدە، جالپى ورتالىق ازيادا العاش رەت ۇيىمداستىرىلىپ وتىر. جاس جۇبايلار بۇل كۇندى ەشقاشان ۇمىتپايدى"، - دەيدى تالعابايەۆا. ونىڭ ايتۋىنشا، نەكە قيۋ ءراسىمىن توپتاپ وتكىزۋ شاراسى 2007 -جىلدان بەرى وتكىزىلىپ كەلەدى. وسى ۋاقىتقا دەيىن جاس جۇبايلاردىڭ ءبىرازى اتالعان شاراعا قاتىستى. ءبىر جىلدا 50 جۇپتان قاتىسقان كەزدەر دە بولدى. بۇل - رەكوردتىق كورسەتكىش.
