قىتايدا كۇزەتشى 40 جىل بويى بومبادان باس ساۋعالايتىن قاڭىراپ قالعان نىساندى كۇزەتىپ كەلگەن - فوتو
بۇل تۋرالى Gbtimes.com پورتالى حابارلايدى.
ول 40 جىل بويى وسى ماڭدى كۇزەتسە دە، الگى مەكەننىڭ باياعىدا ەسەپتەن شىعىپ قالعانىن بىلمەي كەلىپتى. بىردە 87 جاستاعى ۆەنسۋن اسكەري كوميسسارياتقا كەلىپ، ءوزىنىڭ اۋىسىمى قاشان بولاتىنىن بىلگىسى كەلەدى. ول 1975 -جىلى جەرگىلىكتى اسكەري باسشىلىق ونى قۇپيا بومباپاناعا جاۋاپتى ادام ەتىپ تاعايىنداپ، 100 ماماننان تۇراتىن توپ بەرگەنىن ايتادى.
1976 -جىلى ق ح ر ءتوراعاسى ماۋ زىدۇڭ قايتىس بولىپ، ۆەنسۋننىڭ باسشىلارى باسقا جۇمىسقا اۋىسىپ كەتەدى. وسىلايشا ول اتالعان عيماراتتاعى جالعىز ادام بولىپ قالا بەرگەن.
اقساقال سول بومباپانانىڭ الدىنا ءۇي سالىپ، ءتۇنى بويى كىرپىك ىلمەستەن «قۇپيا عيماراتتى» كۇزەتىپ شىعاتىن بولعان.
وسىنى اڭگىمەلەپ بەرگەننەن كەيىن قىتاي ارمياسىنىڭ وفيتسەرلەرى وعان قۇپيا بۋنكەردىڭ ەش قۇجاتتا جوق ەكەنىن ايتادى.
نىساندى ارنايى بارىپ كورگەن اسكەريلەر، عيماراتتىڭ ءالى دە بولسا كەرەمەت جاعدايدا تۇرعانىن، كەز- كەلگەن ۋاقىتتا ەكسپلۋاتاتسياعا دايىن ەكەنىنە كوز جەتكىزەدى.
وسىدان سوڭ قىتاي ارمياسىنىڭ اسكەري قولباسشىلىعى ەر ادامدى ول نىساننان كەتۋگە شەشىم شىعارىپ، قارت كىسىنە ءوز ىسىنە بەرىلگەن ادالدىعى ءۇشىن ماراپاتتاعان.
