قازاقستاندا بالالار ويىنشىقتارىنىڭ 40 پايىزىندا زياندى زاتتار بار
«بارلىعى 1277 سىناما الىندى، ونىڭ 510 ى نورماعا سايكەس كەلمەيدى. ساۋدا ورىندارىن تەكسەرۋ ونىمدەردىڭ باسىم بولىگىندە ساپا جانە قاۋىپسىزدىك سەرتيفيكاتتارى جوقتىعىن كورسەتتى. بۇدان باسقا، تاۋاردى تاڭبالاۋدا تالاپتاردىڭ بۇزىلعاندىعى انىقتالدى. ويىنشىقتار سانيتارلىق- حيميالىق، توكسيكولوگيالىق كورسەتكىشتەر بويىنشا قاۋىپسىزدىك تالاپتارىنا سايكەس كەلمەيدى. بارلىق ءقاۋىپتى ويىنشىقتار اينالىمنان الىندى»، - دەلىنگەن حابارلامادا.
ۆەدومستۆونىڭ دەرەكتەرىنە سۇيەنسەك، ساتىلاتىن ويىنشىقتار مەن ويىنداردىڭ 90 پايىزى قىتايدان اكەلىنەدى.
«ويىنشىقتار ب ق و، س ق و، قىزىلوردا وبلىسى، اقتاۋ قالاسى جانە قازاقستاننىڭ باسقا دا ءىرى قالالارىنان تاركىلەندى»، - دەلىنگەن حابارلامادا.
رۋدنىيدا Paw Patrol ويىنشىقتارى ورگانولەپتيكالىق، فيزيكالىق- حيميالىق كورسەتكىشتەر بويىنشا سايكەس كەلمەيتىنى انىقتالدى، ءيىسى باسىم، قۇرامىندا فەنول بار.
قىزىلوردادا «شاحمات» جانە «شاشكي/شاحماتى/ناردى» ۇستەل ويىندارىندا فورمالدەگيد كوپ مولشەردە ەكەنى انىقتالدى. جامبىل وبلىسىندا «KaiZhi Tidland eden» قۇمسالعىشىندا فورمالدەگيد تابىلدى. بارلىعى قىتايدا شىعارىلعان.
