02:26, 10 - مامىر 2015 | GMT +5
چيلي جاعالاۋىندا 40 قا جۋىق ءولى كيت تابىلدى
استانا. قازاقپارات - چيليدىڭ وڭتۇستىگىندەگى جاعالاۋىندا 37 كيتتىڭ ولەكسەسى تابىلدى، دەپ حابارلايدى جەرگىلىكتى ب ا ق وكىلدەرى.
تەڭىز ءسۇت قورەكتىلەرىن ەل استاناسى سانتياگودان وڭتۇستىككە قاراي 2000 شاقىرىم قاشىقتىقتا زەرتتەۋ جۇمىستارىن جۇرگىزىپ جاتقان عالىمدار تاۋىپ العان.
ازىرگە كيتتەردىڭ نەدەن جانە قاشان ولگەنىن انىقتاۋ مۇمكىن بولماي وتىر. مامانداردىڭ ايتۋىنشا، الىپ سۋ جانۋارلارىنىڭ بۇلايشا ءوزىن- ءوزى جاعاعا تاستاۋى بۇعان دەيىن دە بولاتىن قۇبىلىس ەكەن.
بولجام بويىنشا، كيتتەر سۋ ءتۇسىنىڭ وزگەرۋىنەن نەمەسە ۆيرۋستىڭ پايدا بولۋىنان قىرىلىپ قالعان.
Baq.kz
