402-ايىپتالۋشىنىڭ ءىسى سوتقا جولداندى - قاڭتار وقيعاسى
«ىشكى ىستەر مينيسترلىگى قاڭتار وقيعالارىن تەرگەۋدىڭ الدىن الا ناتيجەلەرىن جۇرتشىلىقتىڭ نازارىنا ۇسىنۋدى جالعاستىرۋدا. قازىرگى ۋاقىتتا ىشكى ىستەر ورگاندارى زاڭدىلىق پەن قۇقىقتىق ءتارتىبىن قالپىنا كەلتىرۋ، قۇقىق بۇزۋشىلاردى انىقتاۋ جانە ازاماتتارعا كەلتىرىلگەن شىعىندى ءوندىرىپ الۋ ماقساتىندا اۋقىمدى جۇمىستار اتقاردى جانە بۇل جۇمىستار جالعاسىپ جاتىر. سونىمەن، جەدەل جانە ساپالى تەرگەۋدىڭ ناتيجەسىندە ىشكى ىستەر ورگاندارىنىڭ تەرگەۋشىلەرى 402-ايىپتالۋشىعا قاتىستى 255 قىلمىستىق ءىستى ايىپتاۋ اكتىسىمەن اياقتاپ، سوتقا جولدادى. وسىنداي ىستەردىڭ كوپتەگەن سانى الماتى قالاسىنىڭ ەنشىسىندە – 183، الماتى وبلىسى بويىنشا 46 جانە كولىكتەگى پوليتسيا دەپارتامەنتى بويىنشا 10 قىلمىستىق ءىس»، - دەدى ول ورتالىق كوممۋنيكاتسيالار قىزمەتىندەگى بريفينگ بارىسىندا.
ونىڭ اتاپ وتۋىنشە، اتالعان ىستەر بويىنشا جابىرلەنۋشىلەرگە كەلتىرگەن شىعىننىڭ ورنىن تولتىرۋ شامامەن 95 ميلليون تەڭگەنى قۇراعان.
«بۇل سوتقا دەيىنگى تەرگەپ- تەكسەرۋ بارىسىندا پوليتسيا قىزمەتكەرلەرىنىڭ ۇرلانعان مۇلىكى تابۋى جانە الىپ قويۋى، سونداي-اق ءوز ىستەرىنە وكىنگەن ايىپتالۋشىلاردىڭ كەلتىرگەن شىعىندى وتەۋى ەسەبىنەن قامتاماسىز ەتىلدى»، - دەدى سانجار ءادىلوۆ.
پوليتسيا قىزمەتكەرلەرى قابىلداعان ءىس- شارالاردىڭ نەگىزىندە الماتى قالاسى بويىنشا 65 ميلليوننان استام تەڭگەگە، الماتى وبلىسى بويىنشا 16 ميلليون تەڭگەگە، جامبىل وبلىسى بويىنشا 3 ميلليوننان استام تەڭگەگە كەلتىرىلگەن زارداپتىڭ ورنى تولتىرىلدى. كولىكتەگى پوليتسەيلەر 10 ميلليوننان استام تەڭگەگە شىعىننىڭ وتەلۋىنە قول جەتكىزدى.
