تويدا ىسىراپ جاساعاندارعا 400 مىڭ دوللار ايىپپۇل سالىندى

 استانا. قازاقپارات - 2017 - جىلى تاجىكستان رەسپۋبليكاسىنىڭ سوتتارى «توي مەن ادەت- عۇرىپ، سالت- داستۇرلەردى ءبىرىڭعايلاندىرۋ» زاڭىنىڭ نورمالارىن ورىنداماعاندارى ءۇشىن 771 ازاماتقا 3 ميلليون 349 مىڭ سوم كولەمىندە ايىپپۇل سالدى.

بۇل تۋرالى  Baq.kz اقپارات اگەنتتىگى Asia Plus باسىلىمىنا سىلتەمە جاساپ حابارلايدى.

«اشىق ازيا ونلاين» ءوزىنىڭ ماقالاسىندا وتباسىلىق، مەرەكەلىك جانە كىسى ولىمىنە قاتىستى شارالاردا قانداي نورمالاردىڭ ساقتالۋى ءتيىس ەكەنى تۋرالى جازعان بولاتىن. ارتىنشا اتالعان نورمالار تولىقتىرىلىپ، ولاردى بۇزعاندارعا ارناپ ارنايى ايىپپۇل كولەمى بەكىتىلدى.

مۇنىمەن قاتار، «ءبىلىم مەن بالا تاربيەسىنە اتا- انا جاۋاپكەرشىلىگى» تۋرالى زاڭ نورمالارىن بۇزعان  10629 رەسپۋبليكا ازاماتىنا 1 ميلليون 477 مىڭ سوم كولەمىندە ايىپپۇل سالىنعان.

بۇدان وزگە، جوعارىدا اتالعان زاڭدى بۇزعان 5 مىڭ اتا- اناعا ەسكەرتۋ جاسالدى.

ەستەرىڭىزگە سالا كەتسەك، تاجىكستاندا ىسىراپشىلدىقپەن كۇرەس جۇرگىزىلىپ، تويعا ازىرلەنگەن تاتتىلەردىڭ تاركىلەنگەنى تۋرالى جازعان بولاتىنبىز.