400 مىڭ قازاقستاندىق باسپانا كەزەگىنە زاڭسىز تۇرعان
الماتى. KAZINFORM -قازاقستاندا زاڭسىز باسپانا كەزەگىندە تۇرعان 400 مىڭ ادام انىقتالدى.
بۇل تۋرالى «Digital Almaty-2024»: «Industry X: بولاشاقتىڭ سيفرلىق ەۆوليۋتسياسى» VI تسيفرلىق فورۋمى بارىسىندا باعدات مۋسين ايتتى.
حالىقارالىق فورۋم بارىسىندا، مينيستر قازاقستاندا كوپتەگەن مەملەكەتتىك قىزمەتتىڭ سيفرلاندىرىلعانىن، سونىڭ ىشىندە تۇرعىن ۇيگە ونلاين كەزەككە تۇرۋعا بولاتىنىن جەتكىزدى.
ونىڭ ايتۋىنشا، بۇرىندارى الەۋمەتتىك باسپانا الۋ ءۇشىن اكىمدىكتەرگە بارىپ، قۇجات جينايتىن بولسا، بۇگىندە بالدىق تەتىك ارقىلى باسپاناعا مۇقتاج ناقتى وتباسىلار انىقتالىپ، كەزەككە تۇرعىزىلىپ جاتىر.
«بىزدە قىزىق كەيس بار، بۇرىن الەۋمەتتىك باسپانا كەزەگىندە ميلليوننان استام ادام تۇرعان. ءبىز big data دەرەكتەرىمىز ارقىلى 400 مىڭ تۇرىعىنىڭ كەزەكتە زاڭسىز تۇرعانىن انىقتادىق. سونداي- اق كەرىسىنشە الەۋمەتتىك تۇرعىن ۇيگە مۇقتاج 300 مىڭ وتباسى بار ەكەنىن بىلدىك»، - دەدى باعدات مۋسين.
ايتا كەتەيىك، الماتىدا «Digital Almaty: يندۋسترياسى - بولاشاقتىڭ تسيفرلىق ەۆوليۋتسياسى» اتتى سيفرلىق فورۋم ءوتىپ جاتىر. سيفرلىق ءىس- شاراعا 30 مىڭنان استام ادام قاتىسىپ جاتىر.
