قازاقستاندا جۇمىسسىزدىق دەڭگەيى 4,8 پايىز بولدى
نۇر-سۇلتان. قازاقپارات - 2019-جىلعى شىلدەدە قازاقستاندا جۇمىسسىز جۇرگەن 440,9 مىڭ ادام تىركەلگەن، بۇل جۇمىس كۇشى سانىنىڭ 4,8 پايىزىن قۇرايدى (ماۋسىمدا 4,8پايىز). مۇنداي دەرەكتى ق ر ۇ ە م ستاتيستيكا كوميتەتى جاريا ەتتى، دەپ حابارلايدى قازاقپارات.
رەسمي دەرەك بويىنشا، وسى جىلدىڭ شىلدە ايىنىڭ سوڭىندا ق ر جۇمىسپەن قامتۋ ورگاندارىندا جۇمىسسىز رەتىندە 172,7 مىڭ ادام نەمەسە ەلدىڭ ەكونوميكالىق بەلسەندى حالىق سانىنان 1,9 پايىزى رەسمي تۇردە تىركەلگەن.
جاسىرىن جۇمىسسىزدىق دەڭگەيى 2019-جىلدىڭ ءساۋىر-ماۋسىمىندا جۇمىس كۇشى سانىنىڭ 0,3 پايىزىنا (30,4 مىڭ ادام) تەڭ بولدى.
وسى جىلدىڭ شىلدەسىندە رەسپۋبليكانىڭ ەكونوميكاسىندا 8,8 ميلليون ادام جۇمىسپەن قامتىلعان.
ەڭبەككە تارتىلعان حالىقتىڭ اراسىندا 6,7 ميلليون ادام (جۇمىسپەن قامتىلعانداردىڭ جالپى سانىنان 76,1 پايىزى) جالدامالى ەڭبەك ەتەدى.
