ەكى كۇننىڭ ىشىندە 4,6 مىڭنان استام وزبەك-قىرعىز ازاماتتارى شەكارادان شىعارىلدى

نۇر-سۇلتان. قازاقپارات - 4-5-تامىز كۇندەرى قازاقستان اۋماعى ارقىلى رەسەيدەن 4600 دەن استام وزبەكستان مەن قىرعىزستان ازاماتتارى ترانزيتتىك ءدالىز ارقىلى ءوتتى، دەپ حابارلايدى قازاقپارات ءتىلشىسى.

«قىرعىز بەن وزبەك تاراپى 27-شىلدە مەن 3-تامىزدا رەسەي فەدەراتسياسىنان ءوز ازاماتتارىن شىعارۋ ءۇشىن ترانزيتتىك ءدالىز بەرۋ وتىنىشىمەن بىزگە رەسمي جۇگىنگەن بولاتىن. بۇل ماسەلە وڭ شەشىمىن تاپتى. 4-5-تامىز كۇندەرى رەسەيدەن قازاقستان اۋماعى ارقىلى 2435 قىرعىزستان ازاماتى مىنگەن 40 تان استام اۆتوبۋس ءوتتى. 2,2 مىڭ وزبەكستان ازاماتىنىڭ ءترانزيتى وزبەك تاراپى ۇسىنعان تەمىر جول كولىگىمەن جۇزەگە اسىرىلدى»، - دەدى ق ر سىرتقى ىستەر مينيسترلىگىنىڭ باسپا ءسوز قىزمەتىنەن.

قىرعىزستان سىرتقى ىستەر مينيسترلىگىنىڭ مالىمەتىنشە، 1101 قىرعىز مىنگەن 20 اۆتوبۋس 4-تامىز كۇنى كەشكىسىن قازاقستان- رەسەي شەكاراسىنان وتكەن. قازىرگى ۋاقىتتا قازاقستان اۋماعى ارقىلى قىرعىزستانعا كەتىپ بارا جاتىر. ال 1356 قىرعىز مىنگەن 23 اۆتوبۋس قازاقستان- رەسەي شەكاراسىنان بۇگىن ءوتتى جانە قىرعىزستانعا قاراي بەت الدى.

اۆتور: مارلان جيەمباي