پوليتسياعا باعىنباعان اقمولالىق 4,5 ميلليون تەڭگە ايىپپۇل تولەۋى مۇمكىن
پوليتسەيلەردىڭ مالىمەتى بويىنشا اعىمداعى جىلدىڭ 1 -قاڭتارىندا تاڭعى ساعات 08:15 مينۋت شاماسىندا اقمولا وبلىسىنىڭ ارشالى كەنتىندەگى جاتاقحانالاردىڭ بىرىندە اراققا سىلقيا تويىپ العان ەكى ەر ادام جاعا جىرتىسىپ قالعان. وقيعا ورنىنا دەرەۋ جەتكەن ۋچاسكەلىك پوليتسيا ينسپەكتورى ولاردى اجىراتىپ، مەديتسينالىق تەكسەرىستەن وتكىزۋ ءۇشىن اۋداندىق اۋرۋحاناعا جەتكىزگەن.
الايدا، ەر ادامنىڭ بىرەۋى پوليتسيانىڭ ىرىعىنا كونبەي كۇش كورسەتۋگە تىرىستى. ءتارتىپ ساقشىسى بۇزاقىنىڭ ارەكەتىنە قارسى تۇرىپ، اۋداندىق پوليتسيا بولىمشەسىنە الىپ باردى.
قازىرگى كەزدە، 27 جاستاعى اتالعان ەر ادامنىڭ ۇستىنەن ق ر ق ك 380 بابىنىڭ 1 -ءبولىمى بويىنشا قىلمىستىق ءىس قوزعالدى.
اتالعان سانكسيا بويىنشا كىنالى 4,5 ميلليون تەڭگە كولەمىندە ايىپپۇل تولەۋى نەمەسە 2 جىلعا دەيىن باس بوستاندىعىنان ايىرىلۋى مۇمكىن.
سونىمەن قاتار، 2016 -جىلدىڭ 30 -جەلتوقسانىندا پاترۋلدىك- جول پوليتسياسىنىڭ قىزمەتكەرلەرىن بالاعاتتاعان اقكول اۋدانىنىڭ تۇرعىنىڭ ۇستىنەن دە ق ر ق ك 378 -بابىنىڭ 1 -ءبولىمى بويىنشا قىلمىستىق ءىس قوزعالىپ، سوتقا دەيىنگى تەرگەۋ امالدارى جۇرگىزىلۋدە. ونىڭ كىناسى دالەلدەنسە، 100 ا ە ك كولەمىندە ايىپپۇل تولەۋى نەمەسە 45 تاۋلىككە قامالۋى مۇمكىن.
اۆتور: اسلان وسپانوۆ
