08:23, 11 - قازان 2017 | GMT +5
پاۆلودار وبلىسىندا 4 جانارماي بەكەتىنە 40 ميلليون تەڭگە ايىپپۇل سالىنۋى مۇمكىن
استانا. قازاقپارات - پاۆلودار وبلىسىندا جانار- جاعارمايدىڭ بولشەك ساۋداسىن جۇزەگە اسىراتىن كومپانيالارعا قاتىستى تەكسەرۋ جۇمىستارى اياقتالدى، دەپ حابارلايدى قازاقپارات مونوپولياعا قارسى ورگان قىزمەتىنە سىلتەمە جاساپ.
«جانار- جاعارمايدىڭ بولشەك ساۋداسىن جۇزەگە اسىرۋشى نارىق سۋبەكتىلەرىنە جانار- جاعارماي باعاسىن بەلگىلەۋ مەن ونى ۇستاپ تۇرۋدا بەسەكەلەستىككە قارسى ارەكەتتەرگە جول بەرۋ جاعدايىنا قاتىستى تەكسەرۋ جۇمىستارى اياقتالدى»، - دەپ حابارلادى ۇلتتىق ەكونوميكا مينيسترلىگىنىڭ تابيعي مونوپوليالاردى رەتتەۋ، باسەكەلەستىك پەن تۇتىنۋشىلاردىڭ قۇقىقتارىن قورعاۋ كوميتەتىنىڭ وكىلدەرى.
تەكسەرۋ جۇمىستارىنىڭ ناتيجەسى بويىنشا، پاۆلودار وبلىسىنداعى ەڭ ءىرى دەگەن 4 جانار-جاعارماي بەكەتىنىڭ يەلەرىنە قاتىستى اكىمشىلىك ءوندىرىس قوزعالدى. اكىمشىلىك ءىستىڭ ماتەريالدارى قاراۋ ءۇشىن پاۆلوداردىڭ مامانداندىرىلعان اكىمشىلىك سوتىنا جولداندى.
ماتەريالدار بويىنشا سالىنۋى مۇمكىن ايىپپۇلدىڭ كولەمى مونوپوليالىق كىرىستى قوسا
العاندا 40382788 تەڭگەنى قۇراپ وتىر.
