قازاقستان جاس وسپىرىمدەرى تەننيستەن الەم چەمپيوناتىنىڭ ىرىكتەۋ تۋرنيرىندە 3-ورىنعا تالاسادى
قازاقستان تەننيس فەدەراتسياسىنان ءمالىم ەتكەندەي، قازاقستاندىقتار جارتىلاي فينالدا جاس وسپىرىمدەر اراسىندا دەۆيس كۋبوگىنىڭ ەكى دۇركىن فيناليسى وڭتۇستىك كورەيا قۇراماسىنا جول بەردى.
الدىمەن زاڭعار نۇرلان ۇلى كيم مۋبيبۋگە ەسە جىبەردى 3:6، 0:6.
ءامىر ومارحانوۆ تارازى باسىن تەڭەستىردى. ەسەپ 4:3 بولعان مەزەتتە كورەيالىق تەننيسشى راكەتكاسىن مىنبەگە لاقتىرىپ، ول بالاعا ءتيدى. سول سەبەپتى رەفەري كورەيالىقتى ويىننان شەتتەتتى.
ءۇشىنشى، شەشۋشى ويىندا ءامىر ومارحانوۆ پەن دامير جالعاسباي قارسىلاستارىنان ۇتىلدى - 4:6، 3:6.
ەرتەڭ قازاقستان ءۇشىنشى ورىن ءۇشىن تايلاند قۇراماسىمەن تالاسادى.
ازيا - تىنىق مۇحيت ايماعى بويىنشا قازاقستان، جاپونيا، وڭتۇستىك كورەيا جانە تايلاند كوماندالارى الەم چەمپيوناتىنا جولداما الدى.
ەسكە سالا كەتەيىك، بۇدان بۇرىن تەننيستەن 16 جاسقا دەيىنگى ەل قۇراماسى العاش رەت الەم چەمپيوناتىنا جولداما العانىن جازعان بولاتىنبىز.
سونداي-اق يۋليا پۋتينتسيەۆا ريم ماستەرس تۋرنيرىندە جەڭىلىپ قالدى.