قازاقستان قۇتقارۋشىلارى تۇركيادا ءۇيىندى استىنان تاعى 3 ادامدى امان شىعاردى
«ەكىنشى ەشەلون تۇركياعا كەلگەن ساتتەن باستاپ قازاقستان ت ج م قۇتقارۋشىلارى تاۋلىك بويى قۇتقارۋ جۇمىستارىن جۇرگىزىپ جاتىر.
ەكىنشى ەشەلون ءۇشىن ىزدەستىرۋ-قۇتقارۋ ورنى رەتىندە نۋرداگى - گازيانتەپ قالاسىنان 69 شاقىرىم جەردەگى تولىعىمەن قيراعان عيمارات بەكىتىلدى.
بۇل نىساندا قازاقستاندىق قۇتقارۋشىلار ادامداردىڭ ورنالاسقان جەرى مەن جاي-كۇيىن انىقتاۋ، ۇيىندىلەر استىندا زارداپ شەككەندەرمەن اۋديوبايلانىس ورناتۋ، قاجەتتى كومەكتىڭ كولەمى مەن سيپاتىن انىقتاۋ بويىنشا جۇمىستارىن جۇرگىزدى»، - دەلىنگەن ت ج م مالىمەتىندە.
اقپاراتقا سۇيەنسەك، قۇتقارۋشىلاردىڭ ىجداعاتتى جۇمىسىنىڭ ناتيجەسىندە قيراندىلار استىنان ءۇش ادام امان شىعارىلدى.
«قازاقستاندىق قۇتقارۋشىلاردىڭ ۇلكەن تەرەڭدىكتەگى ۇيىندىلەردىڭ استىنان زارداپ شەككەندەردى ەۆاكۋاتسيالاۋ ءۇشىن جول اشۋ جۇمىستارىن ورىنداپ، جەدەل جانە ساۋاتتى ءىس-قيمىلدىڭ، سونداي-اق زارداپ شەككەندەردى بلوكتان شىعارۋ بويىنشا ۋاقتىلى قابىلدانعان شارالاردىڭ ناتيجەسىندە بۇگىن تۇندە كولەمى 18 مىڭ تەكشە مەتردەن استام ءۇيىندىنىڭ استىنان ءۇش ادام - ەر ادام مەن ەكى ايەلدى ءتىرى شىعارۋعا مۇمكىندىك تۋدى. ولار دەرەۋ مەديتسينا قىزمەتتەرىنە جەتكىزىلدى»، - دەپ ناقتىلادى ۆەدومستۆودان.
ۆيدەودان الىنعان كادر