بىلتىر 3 مىڭنان استام ەر ادام بالا كۇتىمىنە بايلانىستى دەكرەتكە شىققان
بۇل تۋرالى مەملەكەتتىك الەۋمەتتىك ساقتاندىرۋ قورى اق باس ديرەكتورى نۇرسۇلۋ كەمەل ءمالىم ەتتى، دەپ حابارلايدى قازاقپارات ءتىلشىسى.
«1 جاسقا دەيىنگى بالا كۇتىمىنە بەرىلەتىن الەۋمەتتىك تولەم اتا- انانىڭ بىرەۋىنە عانا تاعايىندالادى. ياعني نە اكەسىنىڭ اتىنا نە بولماسا اناسىنىڭ اتىنا. ال ناقتى بالا كۇتىمىمەن كىم اينالىسادى ونى اتا- انانىڭ وزدەرى شەشەدى»، - دەدى نۇرسۇلۋ كەمەل ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.
قور باسشىسىنىڭ ايتۋىنشا، بىلتىر ەلىمىزدە 1 جاسقا دەيىنگى بالا كۇتىمىنە بايلانىستى 385 مىڭ الەۋمەتتىك تولەم تاعايىندالدى.
«ونىڭ ىشىندە 3 مىڭنان استامى - ەر ادامدار. دەمەك الەۋمەتتىك تولەم بالانىڭ اكەسىنە تولەندى»، - دەيدى ول.
سپيكەر كەلتىرگەن مالىمەتكە سايكەس بالا كۇتىمىنە بەرىلەتىن الەۋمەتتىك تولەم مولشەرى اتا- انانىڭ سوڭعى 2 جىلداعى ورتاشا ايلىق تابىسىنىڭ % 40 قۇرايدى. ەگەر ەكى جانە ودان دا كوپ بالا تۋعان كەزدە تولەم ءاربىر بالاعا جەكە تاعايىندالادى.
اۆتور داۋلەت ىزتىلەۋ
