تۇركىستان وبلىسىندا جول اپاتىنان 3 ادام قازا تاپتى

جول اپاتىنان 3 ادام قازا تاۋىپ، 4 ادام جاراقاتتاندى، دەپ حابارلايدى قازاقپارات ءتىلشىسى.
وبلىستىق پ د باسپا ءسوز قىزمەتىنىڭ مالىمەتىنشە، جول-كولىك وقيعاسى سارىاعاش- شىمكەنت تاس جولىندا بولعان.
پوليتسيا قىزمەتكەرلەرى انىقتاعانىنداي، ساعات 19:00 شاماسىندا 30 عا جۋىق جولاۋشىسى بار « Yutong» ماركالى اۆتوبۋس شىمكەنتكە بارا جاتقان. قوزعالىس جولاعىنا قارسى بەتتەن شىققان «Audi 100» ماركالى اۆتوكولىگى كەلىپ سوعادى.
«جول- كولىك وقيعاسى سالدارىنان « Audi 100» اۆتوكولىگىنىڭ جۇرگىزۋشىسى مەن 2 جولاۋشىسى وقيعا ورنىندا كوز جۇمدى. اۆتوبۋستىڭ 4 جولاۋشىسى ءتۇرلى دەنە جاراقاتىمەن اۋداندىق اۋرۋحاناعا جەتكىزىلدى. قازىرگى ۋاقىتتا وقيعانىڭ تولىق ءمان-جايى مەن قايتىس بولعانداردىڭ جەكە-باسى انىقتالىپ جاتىر» دەلىنگەن پوليتسيانىڭ حابارلاماسىندا.
ەسكە سالا كەتەيىك، وسكەمەندە جول اپاتىنان ءبىر ادام كوز جۇمىپ، ۇشەۋى جاراقات العان ەدى.
اۆتور: اينۇر اقبايەۆا