قازاقستاندىقتار مىنگەن 3 اۆتوبۋس ۋكراينا شەكاراسىندا تۇر – ق ر س ءى م

نۇر-سۇلتان. قازاقپارات – ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ ۋكرايناداعى قازاقستان ازاماتتارىن ەلگە قايتارۋدى ۇيىمداستىرۋ پروتسەسىنە قاتىستى سوڭعى مالەمەتتەردى جاريالادى، دەپ حابارلايدى قازاقپارات ءتىلشىسى.

«قازىرگى ۋاقىتتا 528 ەۆاكۋاتسيالاۋ تۋرالى 528 ءوتىنىش كەلىپ ءتۇستى. ۋكراينادان پولشا ارقىلى 26-اقپان نەمەسە 27-اقپاندا العاشقى رەپاترياتسيالىق رەيس جوسپارلانىپ وتىر. الداعى ۋاقىتتا تاعى دا رەيستەر ۇيىمداستىرىلادى. قازىر وتانداستارىمىز 7 ساعات بويى شەكارا كەزەگىندە تۇر. سەبەبى ەلدەن شىققىسى كەلەتىندەر كوپ. وتانداستارىمىزدى سابىرعا شاقىرامىز. ءبىز قولدان كەلگەننىڭ ءبارىن قاراستىرىپ جاتىرمىز»، - دەدى ا. سمادياروۆ مينيسترلىكتە وتكەن باسپا ءسوز ءماسليحاتىندا.

ونىڭ ايتۋىنشا، قازىر قازاقستاندىقتاردى ەلگە جەتكىزۋ ءۇشىن ۋكراينا شەكاراسىندا 3 اۆتوبۋس تۇر. العاشقى اۆتوبۋستا 49 ادام، ەكىنشى اۆتوبۋستا 46 ادام جانە تاعى ءبىر اۆتوبۋستا 79 ادام بار. بۇعان دەيىن ق ر س ءى م ۋكرايناداعى وتانداستارىمىزدىڭ پولشا شەكاراسىنا قاراي جولعا شىققانى تۋرالى حابارلاعان ەدى.