قىتاي 3 جاستان اسقان بالالاردى كوروناۆيرۋسقا قارسى ەگە باستايدى
بۇگىندە قىتاي حالقىنىڭ % 76 كوروناۆيرۋس ۆاكسيناسىن تولىقتاي سالدىرعان، دەپ حابارلايدى قازاقپارات ا ر- عا سىلتەمە جاساپ.
قىتاي كوروناۆيرۋسقا قارسى ۆاكسينانى ەرتە جاستان ەگە باستايتىن ساناۋلى ەلدەر قاتارىنا ەندى. ماسەلەن، كۋبا 2 جاستان باستاپ ۆاكسينالاي باستادى. ا ق ش پەن ەۋروپانىڭ كوپتەگەن ەلدەرى COVID-19-عا قارسى ۆاكسينانى 12 جاستان اسقان بالالارعا سالۋعا رۇقسات بەردى. ا ق ش بالالارعا 5 جاستان باستاپ ۆاكسينا سالۋدى قاراستىرىپ جاتىر.
قىتايدىڭ بەس پروۆينتسياسىندا جەرگىلىكتى بيلىك ورگاندارى 3-11 جاس ارالىعىنداعى بالالارعا ۆاكسينا سالۋ كەرەكتىگىن مالىمدەدى. بۇل شارا قىتايدىڭ كەيبىر بولىگىندە جاڭا قاتاڭ شارالار ەنگىزۋگە بايلانىستى قابىدانۋدا. ەكونوميكاسى تۋريزمگە تىكەلەي قاتىستى قىتايدىڭ سولتۇستىك- باتىسىنداعى گانسۋ پروۆينتسياسىندا بارلىق تۋريستىك نىساندار ك ۆ ي- ءدىڭ ورشۋىنە بايلانىستى جابىلدى.
1,4 ميلليارد تۇرعىنى بار ەلدە حالىقتىڭ 1,07 ميللياردى كوروناۆيرۋسقا قارسى ۆاكسينا ەكتىرگەن. ەل ۇكىمەتى كوروناۆيرۋستىڭ كەڭ تارالاتىن دەلتا شتامىنىڭ ساياحاتتاۋشىلار اراسىندا تارالۋىنا الاڭداپ وتىر. بەيجىڭدەگى 2022 -جىلعى قىسقى وليمپيادا ويىندارىنا شەتەلدىك جانكۇيەرلەر قاتىسا الماۋى مۇمكىن.
مالىمەتتەرگە سايكەس، قىتايدا كەڭىنەن تارالعان Sinopharm جانە Sinovac ۆاكسينالارى ۆيرۋستىڭ تارالۋى مەن اۋرۋدىڭ اۋىر ءتۇرىنىڭ الدىن الۋىنا سەپتىگىن تيگىزىپ وتىر.
حۋبەي، فۋجيان جانە حاينان پروۆينتسيالارى، سونداي- اق جەجيان جانە حۋنان پروۆينتسيالارىنداعى جەكەلەگەن قالالار ۆاكسيناتسيانىڭ جاڭا تالاپتارىن جاريالادى.
ماۋسىم ايىندا قىتاي ەكى ۆاكسينانى - بەيجىڭ بيولوگيالىق ونىمدەر ينستيتۋتىنىڭ Sinopharm جانە Sinovac ۆاكسينالارىن 3 جاستان 17 جاسقا دەيىنگى بالالارعا قولدانۋعا رۇقسات بەردى. ءبىراق ۆاكسيناتسيا تەك 12 جاستان اسقان بالالارعا عانا جاسالادى. تامىز ايىندا رەتتەۋشى ورگاندار ۋحان بيولوگيالىق ونىمدەر ينستيتۋتى جاساعان تاعى ءبىر Sinopharm ۆاكسيناسىن ماقۇلدادى.
قىتايداعى بالالارعا ۆاكسينالار ماقۇلدانعاننان كەيىن، شەتەلدىك ۇكىمەتتەر ءوز ەلدەرىندەگى بالالارعا ۆاكسينا سالا باستادى. كامبودجا Sinovac جانە Sinopharm ۆاكسينالارىن 6-11 جاس ارالىعىنداعى بالالارعا، چيلي 6 جاستان اسقان، ارگەنتينا 3 جاستان اسقان بالالارعا ەگۋدى باستادى. قىتاي سىرتقى ىستەر مينيسترلىگىنىڭ مالىمەتىنشە، بۇل ەل 1,2 ميللياردى ۆاكسينا دوزاسىن جىبەرگەن.
اۆتور: اقبوپە ءابدراسۋل