قازاقستان تاجىكستانعا 3 ميلليوننان استام وق- ءدارى جىبەرەدى
نۇر- سۇلتان. قازاقپارات - قازاقستان تاجىكستان مەملەكەتىنە 3 ميلليوننان استام وق- ءدارى جىبەرەدى، دەپ حابارلايدى «حابار 24».
ەلىمىزدىڭ قورعانىس مينيسترلىگى ءتيىستى زاڭ جوباسىن ازىرلەدى. بۇل قۇجات قازاقستاننىڭ بيىلعا جوسپارلانعان حالىقارالىق كەلىسىمدەر اياسىندا دايىندالدى. ونىڭ تاجىكستان مەن قىرعىزستان اراسىنداعى قاقتىعىسقا قاتىسى جوق. جىبەرىلەتىن وق- ءدارى شەكارا ماڭىنداعى داۋلاردى شەشۋ ءۇشىن پايدالانىلماۋى ءتيىس.
جاۋاپتى ۆەدومستۆو وكىلدەرىنىڭ حابارلاۋىنشا، زاڭ جوباسى بيۋدجەتتەن قوسىمشا قاراجات ءبولۋدى تالاپ ەتپەيدى. قازاقستان قويمالارىندا بۇل وق- دارىلەر بار. ول قازىر قولدانىلىپ جاتقان جوق. ايتا كەتەيىك، بۇعان دەيىن ءبىز قىرعىزستان مەملەكەتىمەن دە وسىنداي شارت جاساسقانبىز.
